32 ஆயிரம் சட்டவிரோத மாதிரி வாக்குச்சீட்டுக்களுடன் இருவர் கைது

Sri Lanka Police Ampara Kalmunai General Election 2024

By Raghav Nov 08, 2024 06:57 AM GMT

Raghav

in குற்றம்

Report

சட்டவிரோதமாக அச்சிடப்பட்ட 32 ஆயிரம் மாதிரி வாக்குச்சீட்டுக்களுடன் இருவர் கால்துறையினரால் கைது செய்யப்பட்டுள்ளனர்.

அம்பாறை (Ampara) மாவட்ட தேர்தல் திணைக்கள அதிகாரிகள் மற்றும் காவல்துறையினரின் இரகசிய தகவல் ஒன்றினை அடுத்து குறித்த கைது நடவடிக்கையானது நேற்றையதினம் (07.11.2024) இடம்பெற்றுள்ளது.

முஸ்லீம் தேசிய கட்சி

இது தொடர்பில் மேலும் தெரியவருவதாவது, கல்முனை (Kalmunai) காவல்துறை பிரிவிற்குட்பட்ட காசீம் வீதி பகுதியில் அண்மையில் திறந்து வைக்கப்பட்ட கட்சி ஒன்றின் பணிமனைக்கு இவ்வாறு சட்டவிரோத 32 ஆயிரம் வாக்குச்சீட்டுக்கள் எடுத்து செல்லப்பட்ட நிலையில் கைப்பற்றப்பட்டுள்ளது.

32 ஆயிரம் சட்டவிரோத மாதிரி வாக்குச்சீட்டுக்களுடன் இருவர் கைது | 32 Thousand Illegally Printed Sample Ballots

இவ்வாறு மீட்கப்பட்ட மாதிரி வாக்கு சீட்டில் ஒரு முஸ்லீம் தேசிய கட்சி ஒன்றின் சின்னத்திற்கும் இலக்கம் இரண்டிற்கும் புள்ளடி இடப்பட்டிருந்ததாக எமது பிராந்திய செய்தியாளர் தெரிவித்துள்ளார்.

கைது செய்யப்பட்ட இரு சந்தேக நபர்களும் பிணையில் செல்ல அனுமதிக்கப்பட்டதுடன் மீட்கப்பட்ட சட்டவிரோதமான வாக்குச்சீட்டுக்கள் யாவும் கல்முனை நீதிவான் நீதிமன்றில் சட்ட நடவடிக்கைக்காக ஒப்படைக்க கல்முனை தலைமையக காவல்துறையினர் நடவடிக்கை எடுத்துள்ளனர்.