புதிய தாக்குதலை தொடுத்தால் பேரழிவை ஏற்படுத்தும் பதிலடி : அமெரிக்கா, இஸ்ரேலுக்கு ஈரான் இராணுவம் எச்சரிக்கை

அமெரிக்கா அல்லது இஸ்ரேல் நடத்தும் எந்தவொரு புதிய தாக்குதலும் "மிகவும் பேரழிவை ஏற்படுத்தும்" பதிலடியைநடத்துவோம் என்று ஈரான் ஆயுதப் படைகளின் செய்தித் தொடர்பாளர் எச்சரித்துள்ளார். மேலும், நாட்டின் பதிலடியானது திடீர்த் தந்திரங்களைக் கொண்டிருக்கும் என்றும், முந்தைய மோதல்களை விட மிகவும் கடுமையாக இருக்கும் என்றும் அவர் கூறினார்.

அல் ஜசீரா ஊடகத்திடம் பேசிய பிரிகேடியர் ஜெனரல் அபோல்ஃபாஸ்ல் ஷெகார்ச்சி, ஈரான் போருக்கு முழுமையாகத் தயாராக இருப்பதாகவும், நாட்டிற்கு எதிரான "எந்தவொரு தாக்குதலுக்கும் புதிய சாகசச் செயல்களுக்கும்" வலுவாகப் பதிலடி கொடுக்கும் என்றும் குறிப்பிட்டார்..

பதிலடி "முன்பை விட வித்தியாசமாக இருக்கும்

"அமெரிக்காவும் இஸ்ரேலும் எங்கள் நாட்டின் மீது ஒரு புதிய தாக்குதலைத் தொடங்கினால், ஈரானின் எதிர்வினை மிகவும் பேரழிவை ஏற்படுத்தும்" என்று ஷெகார்ச்சி தெரிவித்தார்.

எதிர்காலத்தில் நடக்கும் எந்தவொரு தாக்குதலுக்கும் தெஹ்ரானின் பதிலடி "முன்பை விட வித்தியாசமாக இருக்கும்" என்று அவர் வலியுறுத்தினார்.

மேலும், ஈரானின் எதிரிகள் "திடீர் தாக்குதல்களையும் புதிய தந்திரங்களையும் எதிர்கொள்வார்கள்" என்றும் அவர் கூறினார்.

"மற்றொரு சுற்றுப் போர் ஏற்பட்டால், ஈரானின் தாக்குதல்கள் 'முந்தைய இரண்டு போர்களை விட மிகவும் கடுமையானதாகவும் வலிமையானதாகவும்' இருக்கும்" என்றும் அவர் மேலும் குறிப்பிட்டார்.

இஸ்லாமியக் குடியரசுக்கு எதிரான எந்தவொரு புதிய ஆக்கிரமிப்புப் போரும் இந்தப் பிராந்தியத்திற்குள் மட்டும் கட்டுப்படுத்தப்படாது என்றும் ஷெகார்ச்சி எச்சரித்தார்.

ஈரான் அமைதிப்பேச்சு :பாகிஸ்தானை தனது வலையில் வீழ்த்தும் ட்ரம்பின் திட்டம் தோல்வி

ஈரானின் எண்ணெய் ஏற்றுமதியைத் தடுத்தால்,ஏற்படப்போகும் விளைவு

"அவர்கள் ஈரானின் எண்ணெய் ஏற்றுமதியைத் தடுத்தால், இந்தப் பிராந்தியத்திலிருந்து எண்ணெய் வெளியேறுவதை ஈரான் தடுக்கும்," என்று அவர் கூறினார்.

ஈரானின் உள்கட்டமைப்பைக் குறிவைப்பதாக அமெரிக்க ஜனாதிபதி டொனால்ட் ட்ரம்ப் விடுத்த அச்சுறுத்தல்களுக்குப் பதிலளித்த அந்தப் பேச்சாளர், அமெரிக்காவோ அல்லது இஸ்ரேலோ ஈரானிய உள்கட்டமைப்பைத் தாக்கினால், பிராந்திய உள்கட்டமைப்பும் இலக்காக மாறும் என்று அவர் தெரிவித்தார்.

ஹோர்முஸ் நீரிணையில், தனது தேசிய நலன்களைப் பாதுகாக்கும் அதே வேளையில், பாதுகாப்பையும் சர்வதேச வர்த்தகத்தையும் உறுதி செய்வதற்காக, ஈரான் அந்த முக்கிய நீர்வழியை "அதிகாரத்துடன்" தொடர்ந்து கட்டுப்படுத்தும் என்று ஜெனரல் ஷெகார்ச்சி கூறினார். 

அமெரிக்க ஆளில்லா விமானத்தை சுட்டு வீழ்த்தியது ஈரான் : மேலும் இரண்டு விமானங்கள் விரட்டியடிப்பு