போர் நிறுத்தம் : ஈரான் முன்வைத்துள்ள முக்கிய நிபந்தனைகள்
அமெரிக்க மற்றும் இஸ்ரேலியப் படைகள் "உடனடியாகத் தங்கள் போர் நடவடிக்கைகளை, குறிப்பாக ஈரானின் உயர்மட்டத் தலைவர்களைக் குறிவைப்பதை நிறுத்த வேண்டும்" என கோரிக்கை ஒன்று முன்வைக்கப்பட்டுள்ளது.
அத்துடன் ஹோர்முஸ் நீரிணை திறப்பு குறித்த அமெரிக்க ஜனாதிபதி டொனால்ட் ட்ரம்பின் "காலக்கெடுவை" "நிபந்தனையின்றி" திரும்பப் பெற வேண்டும் என ஈரான் விரும்புவதாக, பாகிஸ்தானிய அதிகாரபூர்வ வட்டாரங்கள் இன்று(6) திங்களன்று தெரிவித்தன.
மேலும், போர்நிறுத்த முன்மொழிவு ஒன்று தெஹ்ரானுடன் பகிரப்பட்டதையும் அவை உறுதிப்படுத்தின.
அனைத்து போர் நடவடிக்கையை உடன் நிறுத்தவேண்டும்
"அமெரிக்காவும் இஸ்ரேலும், ஈரானின் மூத்த இராணுவ மற்றும் சிவில் தலைவர்களைக் குறிவைப்பது உட்பட, ஈரானுக்கு எதிரான அனைத்து வகையான போர் நடவடிக்கைகளையும் உடனடியாக நிறுத்தினால் மட்டுமே இந்த முன்மொழிவைக் கருத்தில் கொள்வோம் என்று ஈரான், இஸ்லாமாபாத்திடம் தெரிவித்துள்ளது," என இந்த விவகாரத்தின் முக்கியத்துவம் காரணமாகத் தங்கள் பெயர்களை வெளியிட வேண்டாம் என வலியுறுத்திய, இந்த நிகழ்வுகள் குறித்து அறிந்த வட்டாரங்கள் தெரிவித்தன.
இஸ்லாமியப் புரட்சிகரப் பாதுகாப்புப் படையின் உளவுத்துறைத் தலைவர் மஜித் காத்மி கொல்லப்பட்டதை தெஹ்ரான் திங்களன்று உறுதிப்படுத்திய நிலையில் இந்த அறிக்கை வெளியாகியுள்ளது.
"காலக்கெடு அச்சுறுத்தல்"
"காலக்கெடு அச்சுறுத்தல்" மூலம் எந்தவொரு பேச்சுவார்த்தைக்கும் தங்களைக் கட்டாயப்படுத்த முடியாது என்று தெஹ்ரான் கூறியதாக பாகிஸ்தானிய வட்டாரங்கள் தெரிவிக்கின்றன.
இரு தரப்பினரையும் பேச்சுவார்த்தை மேசைக்கு வரச் சம்மதிக்க வைக்கும் முயற்சியில், பாகிஸ்தான் இராணுவத் தளபதி ஜெனரல் ஆசிம் முனீர் மற்றும் அந்நாட்டின் உயர்மட்டத் தூதர் இஷாக் டார் ஆகியோர் முறையே அமெரிக்கத் துணை ஜனாதிபதி ஜே.டி. வான்ஸ் மற்றும் ஈரானிய வெளியுறவு அமைச்சர் அப்பாஸ் அராக்சி ஆகியோருடன் "தொடர்ச்சியான" தொடர்பில் இருப்பதாக அந்த வட்டாரங்கள் மேலும் தெரிவித்தன.
போர்நிறுத்த முன்மொழிவில் அடங்கியுள்ள விடயங்கள்
உடனடிப் போர்நிறுத்தம், இரண்டு முதல் மூன்று வாரங்களுக்குள் ஒரு பரந்த தீர்வை இறுதி செய்வதற்காக ஹோர்முஸ் நீரிணையை மீண்டும் திறப்பது, மற்றும் அதைத் தொடர்ந்து இஸ்லாமாபாத்தில் நேரடிப் பேச்சுவார்த்தைகள் நடத்துவது ஆகியவை இந்த போர்நிறுத்த முன்மொழிவில் அடங்கும் என்று அந்த வட்டாரங்கள் கூறின.
திங்கட்கிழமையன்றே ஈரானுடன் ஒரு உடன்பாட்டை எட்டுவதற்கு வலுவான வாய்ப்பு இருப்பதாக ஞாயிற்றுக்கிழமை ட்ரம்ப் கூறினார், அதே நேரத்தில் தெஹ்ரான் விரைவாகச் செயல்படத் தவறினால் தாக்குதல்களைக் கடுமையாக அதிகரிப்பதாகவும் அவர் அச்சுறுத்தியிருந்தமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
