பாகிஸ்தானின் மத்தியஸ்த பேச்சுவார்த்தைகள் மீது ஈரானும் அமெரிக்காவும் நம்பிக்கை
மத்தியக்கிழக்கு மோதலை முடிவுக்கு கொண்டுவரும் பேச்சுவார்த்தைகளுக்கு பாகிஸ்தான் வழிவகை செய்யும் என ஈரானும் அமெரிக்காவும் நம்பிக்கை தெரிவித்துள்ளதாக பாகிஸ்தான் வெளியுறவு அமைச்சர் இஷாக் டார் கூறியுள்ளார்.
எதிர்வரும் நாட்களில் இரு தரப்பினருக்கும் இடையிலான அர்த்தமுள்ள பேச்சுவார்த்தைகளை நடத்துவதற்கும், அவற்றுக்கு வழிவகை செய்வதற்கும் பாகிஸ்தான் பெருமை கொள்ளும் என்றும் அவர் கூறியுள்ளார்.
இருப்பினும், ஈரான் அல்லது அமெரிக்கா அமைதிப் பேச்சுவார்த்தைகளில் பங்கேற்பதை உறுதிப்படுத்தியுள்ளனவா என்பது குறித்து எந்தக் குறிப்பும் இல்லை என அவர் தெரிவித்துள்ளார்.
இஸ்லாமாபாத்தில் நடைபெற்ற சந்திப்பு
பாகிஸ்தான், சவூதி அரேபியா, துருக்கி மற்றும் எகிப்து ஆகிய நாடுகளின் வெளியுறவு அமைச்சர்களுக்கு இடையே இஸ்லாமாபாத்தில் நடைபெற்ற சந்திப்புகளின் முதல் நாளைத் தொடர்ந்து, இஷாக் டார் இந்தக் கருத்துக்களைத் தெரிவித்துள்ளார்.
டார் கூறியபடி, “அப்பகுதியில் போரை விரைவாகவும் நிரந்தரமாகவும் முடிவுக்குக் கொண்டுவருவதற்கான சாத்தியமான வழிகள் குறித்து அந்தக் குழு விவாதித்தது.
அப்பகுதியில் அமைதிக்கான பாகிஸ்தானின் முயற்சிகளுக்கு ஆதரவளித்த மூவருக்கும் அவர் தனது நன்றியைத் தெரிவித்தார்.
சீன வெளியுறவு அமைச்சர் வாங் யீ மற்றும் ஐக்கிய நாடுகள் சபையின் பொதுச்செயலாளர் ஆகியோரிடமும் பேசியதாகவும், அவர்கள் இருவரும் இந்த அமைதி முன்னெடுப்பிற்கு ஆதரவு தெரிவித்ததாகவும் டார் கூறியுள்ளார்.
இன்று முன்னதாக பாகிஸ்தான் பிரதமருக்கும் சவூதி அரேபியாவின் வெளியுறவு அமைச்சருக்கும் இடையே நடைபெற்ற சந்திப்பைத் தொடர்ந்து, பாகிஸ்தான் ஒரு தனி அறிக்கையை வெளியிட்டது.
அதில், பாகிஸ்தான் சவூதி அரேபியாவுடன் "எப்போதும் தோளோடு தோள் நிற்கும்" என்றும், அந்நாடு கடைப்பிடித்த குறிப்பிடத்தக்க நிதானத்தை பாகிஸ்தான் பாராட்டுவதாகவும் தெரிவிக்கப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
கிளிநொச்சி, மதுரை, தமிழ்நாடு, India, சென்னை, India, திருகோணமலை, கொழும்பு, London, United Kingdom
28 Mar, 2026
திருநெல்வேலி, கொக்குவில் கிழக்கு, Farnborough, United Kingdom
26 Mar, 2026
புங்குடுதீவு 10ம் வட்டாரம், புங்குடுதீவு, கொழும்பு, Basel, Switzerland
15 Mar, 2022
பதுளை, புங்குடுதீவு 6ம் வட்டாரம், யாழ்ப்பாணம், Paris, France
28 Feb, 2026
வேலணை கிழக்கு, கந்தர்மடம், யாழ்ப்பாணம், திருகோணமலை, Markham, Canada
23 Feb, 2026
