சர்வதேச வர்த்தகமே முடங்கும் அபாயம்.. எகிப்து நோக்கி பாய்ந்த இஸ்ரேல் பீரங்கி.!
இஸ்ரேல் ஹமாஸ் இடையேயான போர் இரண்டு வாரங்களுக்கு மேலாகத் தொடரும் நிலையில், திடீரென எகிப்து வீரர்கள் சிலர் இஸ்ரேல் பீரங்கி தாக்குதலால் காயமடைந்துள்ளது பெரும் பரபரப்பை ஏற்படுத்தியுள்ளது.
இஸ்ரேல் நாட்டில் கடந்த இரண்டு வாரங்களுக்கு மேலாகச் சண்டை நடந்து வருகிற நிலையில், முதலில் ஹமாஸ் படை தாக்குதல்களை நடத்தி, இஸ்ரேல் நாட்டவர்களை பிணையக் கைதிகளாகவும் பிடித்துச் சென்றனர்.
இதற்குப் பதிலடி கொடுக்கும் வகையில் இஸ்ரேல் தாக்குதல்களில் இறங்கியது,காசா பகுதி மீது தொடர்ச்சியாக ஏவுகணை தாக்குதல்களை நடத்தியது.
பீரங்கித் தாக்குதல்
இப்படி இரு தரப்பும் மாறி மாறி தாக்குதல் நடத்தி வரும் நிலையில், அங்கே பதற்றமான சூழல் நிலவி வருகின்றது.
இவ்வாறிருக்கையில் நேற்றையதினம் (22) இஸ்ரேல் நடத்திய பீரங்கித் தாக்குதலில் இருந்து வந்த குண்டுகள் எகிப்து நாட்டினைத் தாக்கியுள்ளது.
இஸ்ரேலுக்கும் ஹமாஸிற்கும் இடையே மோதல் நடந்து வரும் நிலையில், திடீரென ஏவுகணை எகிப்தைத் தாக்கியது பெரும் பதற்றத்தை ஏற்படுத்தியுள்ளது.
எகிப்து, ஹமாஸ் படைகளுக்கு ஆதரவு வழங்கும் நிலைப்பாட்டில் இருப்பதாக கூறியிருந்தாலும், அவர்கள் நேரடியாக இதுவரை மோதலில் ஈடுபடவில்லை.
மேலும், சர்வதேச வர்த்தகத்தின் அடிநாதமாக இருக்கும் சூயஸ் கால்வாய் எகிப்து நாட்டில் தான் இருக்கிறது, உலகின் மொத்த வர்த்தகத்தில் சுமார் 12 வீதமானவை இந்த சூயஸ் கால்வாய் வழியாகத்தான் நடக்கிறது.
இந்தப் போரில் எகிப்து உள்நுழைந்து சூயஸ் கால்வாய் செயற்பாடுகள் பாதிக்கப்பட்டால் அது சர்வதேச அளவில் வர்த்தகத்தில் தாக்கத்தை ஏற்படுத்தும்.
இஸ்ரேல் இராணுவம்
இதனால் உலகின் அனைத்து நாடுகளுமே பாதிப்படையும் அபாயம் இருப்பதாக எதிர்வுகூறப்படுகிறது.
இதனால் எகிப்து மீது இஸ்ரேல் நடத்திய தாக்குதல் அனைவர் மத்தியிலும் பரபரப்பைக் ஏற்படுத்தியுள்ளது.
இது திட்டமிட்டு நடத்தப்பட்ட தாக்குதல் இல்லை என்றும் தவறுதலாக எகிப்து மீது தாக்குதல் நடத்தப்பட்டுள்ளதாகவும் இஸ்ரேல் இந்த தாக்குதல் குறித்து தெரிவித்துள்ளது.
இதற்கு வருத்தம் தெரிவிப்பதாகவும் இஸ்ரேல் இராணுவம் கூறியுள்ளது.
"கெரெம் ஷாலோம் பகுதியில் எல்லையை ஒட்டிய எகிப்திய போஸ்ட் மீது ஐடிஎஃப் டேங்க் ஒன்று எதிர்பாராத விதமாக வெடித்துச் சிதறியது, இந்தச் சம்பவம் குறித்து விசாரணை நடத்தப்பட்டு வருகிறது, இந்தச்சம்பவம் குறித்து இஸ்ரேல் இராணுவம் வருத்தம் தெரிவிக்கிறது" என்று இஸ்ரேல் இராணுவம் தனது டுவிட்டர் பக்கத்திலும் பதிவிட்டிருந்தது.
சர்வேதேச வர்க்கத்தை
இது குறித்து எகிப்து இராணுவத்தின் செய்தித் தொடர்பாளர் தெரிவிக்கையில்,இஸ்ரேலின் பீரங்கியில் இருந்து எகிப்து நோக்கி எதிர்பாராத விதமாகப் பாய்ந்த இந்த ஷெல் தாக்குதலில் சில எகிப்து எல்லைப் பாதுகாப்பு வீரர்களுக்கு காயத்தை ஏற்படுத்தியுள்ளதாக தெரிவித்துள்ளார்.
இது தவறுதலாக நடந்த தாக்குதல் என்று கூறப்பட்டாலும், இது ஒட்டுமொத்தமாகவே மத்திய கிழக்குப் பகுதிகளில் பதற்றமான சூழலை உருவாக்கியுள்ளது.
ஏற்கனவே லெபனானின் ஹிஸ்புல்லா அமைப்பு அவ்வப்போது இஸ்ரேல் மீது தாக்குதலை நடத்தி வருகிறது, இவ்வாறிருக்கையில் எகிப்தும் இந்த போரில் உள்ளே வந்தால் அது ஒட்டுமொத்தமாக அந்த பிராந்தியத்தில் பதற்றத்தை அதிகரிப்பது மாத்திரமல்லாமல் அது சர்வேதேச வர்க்கத்தையும் பாதிக்கும் என்று கூறப்படுகிறது.
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
