ஈரான்மீது அதிகரிக்கப்போகும் தாக்குதல்கள் : இஸ்ரேலுக்கு வந்து குவியப்போகும் அமெரிக்க விமானங்கள்

ஈரான் மீதான தாக்குதல்கள் தீவிரமடைந்துள்ள நிலையில், இஸ்ரேலுக்கு மேலும் பல அமெரிக்க எரிபொருள் நிரப்பும் விமானங்கள் வரவிருக்கின்றன என இஸ்ரேலிய அதிகாரிகள் தெரிவித்துள்ளனர்.

கடந்த ஒரு வாரமாக அமெரிக்காவும் ஈரானும் மேற்கொண்டுவரும் தாக்குதல்கள் அதிகரித்துள்ள நிலையில், மேலும் பல அமெரிக்க எரிபொருள் நிரப்பும் விமானங்களைப் பெற இஸ்ரேல் தயாராகி வருவதாக ஒரு இஸ்ரேலிய இராணுவ அதிகாரி ஞாயிற்றுக்கிழமை தெரிவித்தார்.

ஒரு மாதத்திற்கு முன்பு கையெழுத்திடப்பட்ட இடைக்கால போர்நிறுத்த ஒப்பந்தம் முறிந்ததிலிருந்து, அமெரிக்காவும் ஈரானும் தாக்குதல்களைத் தீவிரப்படுத்தியுள்ளன. இது மீண்டும் ஒரு முழுமையான போர் மூளும் சாத்தியத்தை ஏற்படுத்தியுள்ளது. சமீபத்திய அமெரிக்கத் தாக்குதல்களில் இஸ்ரேல் பங்கேற்கவில்லை.

அமெரிக்கா எடுத்துள்ள முடிவு

"பிராந்தியத்தில் தனது படை நிலையைச் சரிசெய்யவும்", "இஸ்ரேலில் ஏற்கனவே நிலைநிறுத்தப்பட்டுள்ள வான்வழி எரிபொருள் நிரப்பும் விமானங்களின் எண்ணிக்கையை கூடுதல் எரிபொருள் நிரப்பும் விமானங்களைக் கொண்டு வலுப்படுத்தவும்" அமெரிக்கா முடிவு செய்துள்ளதாக அந்த இஸ்ரேலிய அதிகாரி கூறினார்.

 டசின் கணக்கான அமெரிக்க எரிபொருள் நிரப்பும் விமானங்கள் இஸ்ரேலுக்கு வந்து சேரும் என எதிர்பார்க்கப்படுவதாக மற்றொரு மூத்த இஸ்ரேலிய அதிகாரி தெரிவித்தார்.

அமெரிக்காவின் அதிநவீன ஆளில்லா விமானத்தை சுட்டுவீழ்த்தியது ஈரான்

 இஸ்ரேலில் தரித்துள்ள டசின் கணக்கான விமானங்கள்

ஜெருசலேமில் உள்ள அமெரிக்கத் தூதரகம் உடனடியாகக் கருத்து தெரிவிக்கவில்லை. பெப்ரவரி 28 அன்று ஈரானுக்கு எதிரான அமெரிக்க மற்றும் இஸ்ரேலியத் தாக்குதல்களுடன் மோதல் தொடங்கியதிலிருந்து, அமெரிக்கா டசின் கணக்கான எரிபொருள் நிரப்பும் விமானங்களை இஸ்ரேலில் நிறுத்தியுள்ளது.

மூன்று அமெரிக்க மற்றும் இஸ்ரேலிய அதிகாரிகளை மேற்கோள் காட்டி, ஈரானுக்கு எதிரான இராணுவ நடவடிக்கைகளை விரிவுபடுத்தும் சாத்தியத்திற்கு முன்னதாக, மேலும் டசின் கணக்கான எரிபொருள் நிரப்பும் விமானங்களை இஸ்ரேலுக்கு அனுப்புவதாக ட்ரம்ப் நிர்வாகம் அறிவித்ததாக ஆக்சியோஸ் வெள்ளிக்கிழமை செய்தி வெளியிட்டது.

இந்த விமானங்களின் வருகையால் பென் குரியன் (Ben Gurion) சர்வதேச விமான நிலையத்தின் சிவிலியன் விமானப் போக்குவரத்து பாதிக்கப்படுவதைத் தவிர்க்கும் பொருட்டு, சில விமானங்கள் இஸ்ரேலிய விமானப்படை தளங்களில் நிறுத்தப்பட உள்ளதாக இராணுவ அதிகாரி ஒருவர் குறிப்பிட்டுள்ளார்.

பிரித்தானியாவில் இரண்டு பிள்ளைகளுடன் காணாமற்போன இலங்கை தாய்