இலங்கையில் அச்சுறுத்தலுக்குள்ளாகும் பத்திரிகையாளர்கள்! கேள்வி எழுப்பியுள்ள அமெரிக்க தூதரகம்

இலங்கையில் உணர்ச்சிகரமான தலைப்புகளில் செய்தி சேகரிக்கும் பத்திரிகையாளர்களை துன்புறுத்துதல் மற்றும் மிரட்டுதல் தொடர்பில் அமெரிக்கா குற்றம் சுமத்தியுள்ளது.

வடக்கு மற்றும் கிழக்கு மாகாணங்களில் உள்ள சில பத்திரிகையாளர்கள், குடிமக்கள் பத்திரிகையாளர்கள் உட்பட, குறிப்பாக உள்நாட்டுப் போர் அல்லது அதன் பின்விளைவுகள் தொடர்பான தலைப்புகளில் செய்தி வெளியிடும் போது, அரச பாதுகாப்பு சேவைகளின் உறுப்பினர்களிடமிருந்து துன்புறுத்தல், அச்சுறுத்தல்கள், மிரட்டல் மற்றும் குறுக்கீடு செய்தமை முறைபாடு கிடைத்துள்ளதாகவும் அமெரிக்கா அறிக்கையில் சுட்டிக்காட்டியுள்ளது.

குறித்த அறிக்கையில் மேலும், 

இலங்கையில் பொறுப்புக்கூறலை உறுதிப்படுத்துவதற்கான பிரித்தானிய தமிழர் பேரவையின் நகர்வு

தமிழ் பத்திரிகையாளர்கள்

தமிழ் பத்திரிகையாளர்கள், இராணுவ அதிகாரிகள் புகைப்படங்களின் நகல்களையும், நிகழ்வுகளில் கலந்து கொண்டவர்களின் பட்டியல்களையும், கட்டுரைகளுக்கான ஆதாரங்களின் பெயர்களையும் கோரியதாக தெரிவிக்கப்பட்டுள்ளது.

தமிழ் போர் நினைவுகூரல்கள் அல்லது நில ஆக்கிரமிப்பு போராட்டங்கள் போன்ற உணர்ச்சிகரமான நிகழ்வுகளைப் பற்றி செய்தி வெளியிடுவதையும், முன்னாள் தமிழீழ விடுதலைப் புலிகள் (LTTE) தலைவர்கள் தொடர்பான எதையும் இடுகையிடுவதையும் தவிர்க்குமாறு ஊடகவியலாளர்களிடம் இராணுவம் நேரடியாகக் கோரியதாகவும், அவர்கள் ஒத்துழைக்கவில்லை என்றால் விளைவுகளை சந்திக்க நேரிடும் என்று அஞ்சுவதாகவும் ஊடகவியளாளர்கள் சுட்டிக்காட்டியுள்ளனர்.

அதிகாரிகள், சில நேரங்களில் அரசாங்க வாகனங்களில், பத்திரிகையாளர்களை, குறிப்பாக போராட்டங்களை செய்தி வெளியிடுபவர்களை கண்காணித்ததாகவும் செய்தியாளர்கள் குற்றம் சுமத்தியுள்ளனர்.

பெப்ரவரி 21 அன்று, யாழ்ப்பாணத்தில் உள்ள "உயர் பாதுகாப்பு வலயத்திற்குள்" உள்ள கோயில்களுக்குச் செல்ல இராணுவம் அனுமதித்ததைத் தொடர்ந்து, பொதுமக்கள் கூடியிருந்த ஒரு கூட்டத்தை செய்தி சேகரிக்க முயன்ற மூன்று தமிழ் பத்திரிகையாளர்களின் தொலைபேசிகளை இராணுவம் பறிமுதல் செய்து அழிப்பதாக அச்சுறுத்தியதாக தமிழ் பத்திரிகைகள் செய்தி வெளியிட்டன.

ஜூன் 13 அன்று, யாழ்ப்பாணத்தில் உள்ள பத்திரிகையாளர் ஒருவரின் வீட்டை அடையாளம் தெரியாத ஒரு குழு சேதப்படுத்தியது, அவரது மோட்டார் சைக்கிளை தீ வைத்து எரித்தது, மேலும் அவரது முச்சக்கர வண்டியை சேதப்படுத்தியது.

அவரது சொத்துக்களுக்கு ஒரு மில்லியன் இலங்கை ரூபாய்க்கும் அதிகமான சேதம் ஏற்பட்டதாக தெரிவிக்கப்பட்டது. யாழ்ப்பாண பொலிஸார் நான்கு குழுக்களை நியமித்தது, ஆனால் விசாரணையில் எந்த முன்னேற்றமும் இல்லை. ஜூன் மாதத்தில், விசாரணையில் முன்னேற்றம் இல்லாதது குறித்து குறித்த ஊ்டகவியளாளர் HRCSL இல் முறைப்பாடு வழங்கியுள்ளார்.” என தெரிவித்துள்ளது.

பிள்ளையானின் துப்பாக்கிதாரி மட்டக்களப்பில் அதிரடி கைது

சஜித்தின் எதிர்பார்ப்பை நாமல் நிரைவேற்றுவார்: மொட்டுத்தரப்பு கிண்டல்