காவல்துறையினரின் கட்டளையை மீறிச் சென்ற முச்சக்கரவண்டி மீது துப்பாக்கிச் சூடு

Sri Lanka Police Kalutara Gun Shooting

By Sindu Oct 26, 2026 01:51 AM GMT

Sindu

in சமூகம்

Report

களுத்துறை, நாகொட பகுதியில் காவல்துறையினர் நடத்திய துப்பாக்கிச் சூட்டில் ஒருவர் காயமடைந்துள்ளார்.

களுத்துறை போபுவல பகுதியில் சந்தேகத்துக்கிடமான முச்சக்கரவண்டியொன்றை நிறுத்துமாறு களுத்துறை குற்றத்தடுப்புப் பிரிவு அதிகாரிகள் சமிக்ஞை காட்டியுள்ளனர்.

எனினும் காவல்துறையினரின் கட்டளையை புறக்கணித்த முச்சக்கரவண்டி நிறுத்தப்படாமல் அதிவேகமாக சென்றுள்ளது.

ரஜவத்த சஞ்சு என அடையாளம்

தொடர்ந்து குறித்த முச்சக்கரவண்டியை சுமார் நான்கு கிலோமீட்டர் வரையில் துரத்திச் சென்ற காவல்துறையினர் நாகொட பகுதியில் வைத்து அதன்மீது துப்பாக்கிச் சூடு நடத்தியுள்ளனர்.

காவல்துறையினரின் கட்டளையை மீறிச் சென்ற முச்சக்கரவண்டி மீது துப்பாக்கிச் சூடு | Kalutara Nagoda Threewheel Gunshoot Police

இந்தத் துப்பாக்கிச் சூட்டில் முச்சக்கர வண்டியின் சாரதி காயமடைந்ததுடன், அவர் மேலதிக சிகிச்சைக்காக நாகொட போதனா வைத்தியசாலையில் அனுமதிக்கப்பட்டுள்ளார்.

சம்பவத்தில் காயமடைந்தவர் களுத்துறை ரஜவத்த பகுதியைச் சேர்ந்த திட்டமிட்ட குற்றக்குழு உறுப்பினர் என கருதப்படும் 'ரஜவத்த சஞ்சு' என்பவர் என அடையாளம் காணப்பட்டுள்ளார்.

குறித்த முச்சக்கர வண்டியைப் பரிசோதித்தபோது அதிலிருந்து போதைப்பொருட்கள் கைப்பற்றப்பட்டதாக காவல்துறையினர் தெரிவித்தனர். இச்சம்பவம் தொடர்பில் களுத்துறை காவல்துறையினர் மேலதிக விசாரணைகளை மேற்கொண்டு வருகின்றனர்.