சூட்சுமமாக திருட்டில் ஈடுபட்டுள்ள கும்பல்! பிரதான சந்தேகநபர் அதிரடி கைது

Kandy Sri Lankan Peoples Sri Lanka Police Investigation

By Dhilak Jul 17, 2026 09:06 AM GMT

Dhilak

in சமூகம்

Report

டெலிகொம் நிறுவனத்தின் ஊழியர்கள் போல் நடித்து, பல்வேறு பகுதிகளில் நீண்டகாலமாகத் தொலைபேசி கம்பிகளை வெட்டி விற்பனை செய்து வந்த கும்பலைச் சேர்ந்த பிரதான சந்தேகநபர் ஒருவர் பேராதனை காவல்துறையினரால் கைது செய்யப்பட்டுள்ளார்.

கைது செய்யப்பட்ட சந்தேகநபர் மற்றும் சிலருடன் சேர்ந்து வாகனமொன்றில் வந்து, தொலைபேசி கம்பிகளை பழுதுபார்ப்பது போல் நடித்து மேற்படி திரட்டுச்சம்வத்தை மேற்கொண்டுள்ளனர்.

இவர்கள் நீண்டகாலமாக கெலிஓயா, உடபேராதனை, சங்கபோகம, மஹகந்த உள்ளிட்ட பல பிரதேசங்களில் இந்தத் திருட்டுச் செயலைத் தொடர்ந்து முன்னெடுத்து வந்துள்ளதாக கூறப்படுகிறது.

மேலதிக விசாரணை

இவ்வாறு சட்டவிரோதமாக வெட்டப்பட்ட தொலைபேசி கம்பிகள் அனைத்தும் கம்பளை பிரதேசத்திலுள்ள வர்த்தக நிலையமொன்றிற்கு விற்பனை செய்யப்பட்டுள்ளமை காவல்துறை விசாரணைகளில் தெரியவந்துள்ளது.

சூட்சுமமாக திருட்டில் ஈடுபட்டுள்ள கும்பல்! பிரதான சந்தேகநபர் அதிரடி கைது | Man Arrested Cutting And Selling Telephone Wires

இச்சம்பவம் தொடர்பில் கைது செய்யப்பட்ட சந்தேகநபர் நேற்று வியாழக்கிழமை (16) நீதிமன்றில் முற்படுத்தப்பட்ட நிலையில், இந்த சம்பவம் குறித்து பேராதனை காவல்துறையினர் மேலதிக விசாரணைகளைத் மேற்கொண்டு வருகின்றனர்.