மணிப்பூரில் மீண்டும் பதற்றம் - ஆளில்லா வீடுகளுக்கு தீ வைப்பு

By Sathangani Jul 27, 2023 04:30 AM GMT

Sathangani

in இந்தியா

Report

மணிப்பூரில் கடந்த மே மாதம் மைதேயி மற்றும் குகி ஆகிய இரு பிரிவினருக்கு இடையில் ஏற்பட்ட மோதல் வன்முறையாக வெடித்துள்ளது. இந்த மோதலில் இதுவரை 160 இற்கும் மேற்பட்டோர் உயிரிழந்துள்ளதுடன் நூற்றுக்கணக்கானோர் காயம் அடைந்துள்ளனர்.

இரண்டு பெண்களுக்கு நிகழ்த்தப்பட்ட கொடூரம் இந்தியா முழுவதும் அதிர்ச்சியை ஏற்படுத்தியுள்ளது.

வீடுகளுக்கு தீ வைப்பு

மணிப்பூரில் மீண்டும் பதற்றம் - ஆளில்லா வீடுகளுக்கு தீ வைப்பு | Manipur Mobs Burn Empty Houses In Moreh Buses

மணிப்பூரின் மக்கள்தொகையில் சுமார் 53% ஆனவர்கள் மானியர்கள் இம்பால் பள்ளத்தாக்கில் வாழ்கின்றனர். அதே சமயம் நாகாக்கள் மற்றும் குக்கிகளை உள்ளடக்கிய பழங்குடியினர் 40% ஆனவர்கள் மலை மாவட்டங்களில் வசிக்கின்றனர்.

மணிப்பூரில் ஏற்பட்ட வன்முறையால் அங்கு வசித்து வந்த மக்கள் பலர் வீட்டைவிட்டு வெளியேறியுள்ளமையால் அங்கு ஏராளமான வீடுகள் ஆள் நடமாட்டம் இல்லாமல் காணப்படுகின்றன.

இந்நிலையில், மணிப்பூரில் மியான்மர் எல்லைக்கு அருகில் உள்ள மோரே மாவட்டத்தில் நேற்று(26) ஒரு கும்பல் ஆளில்லா வீடுகளுக்கு தீ வைத்துள்ளது.

பேருந்துகளுக்கு தீ வைப்பு

இதேவேளை வீடுகளுக்கு தீ வைத்ததற்கு முதல் நாள் காங்போக்பி மாவட்டத்தில் ஒரு கும்பல் பாதுகாப்புப் படையினர் பயன்படுத்திய இரண்டு பேருந்துகளுக்கு தீ வைத்து எரித்த சம்பவம் நடந்துள்ளது. இதில் உயிர் சேதம் எதுவும் ஏற்படவில்லை என அதிகாரிகள் தெரிவித்தனர்.

திமாபூரில் இருந்து பேருந்துகள் வந்து கொண்டிருந்தபோதே சபோர்மீனாவில் பேருந்துகளுக்கு தீ வைத்த சம்பவம் இடம்பெற்றது.

உள்ளூர்வாசிகள் மணிப்பூர் பதிவு எண்களைக் கொண்ட பேருந்துகளை சபோர்மேனாவில் நிறுத்தி, வேறு சமூகத்தைச் சேர்ந்தவர்கள் யாராவது இருக்கின்றார்களா என்று சரிபார்த்த போது சிலர் பேருந்துகளுக்கு தீ வைத்ததாக அதிகாரிகள் தெரிவித்தனர்.

மேலும் இது தொடர்பான செய்திகளைப் படிக்க இங்கே கிளிக் செய்யவும்