பசிலுக்கு இறுகும் பிடி : அமெரிக்காவிலிருந்து இலங்கைக்கு வந்த சிறப்பு அறிவிப்பு

அமெரிக்காவில் வசிக்கும் முன்னாள் அமைச்சர் பசில் ராஜபக்சவை நாட்டிற்குத் திரும்பக் கொண்டுவருவதற்காக, இலங்கை சட்ட அதிகாரிகளுக்கும் அமெரிக்க நீதித் துறைக்கும் இடையேயான இரகசியத் தகவல் பரிமாற்றம் அதன் இறுதிக் கட்டத்தை எட்டியுள்ளது. அந்தத் தகவல் பரிமாற்றத்தின்படி, பசில் ராஜபக்சவுக்கு எதிராக சட்ட நடவடிக்கை எடுக்க நாட்டின் சட்ட அதிகாரிகள் தயாராக இருப்பதாக அமெரிக்க அதிகாரிகளுக்குத் தெரிவிக்கப்பட்டுள்ளது. 

அமெரிக்காவின் இந்த வலுவான சட்ட அழுத்தத்தை எதிர்கொண்டு, பசில் ராஜபக்சவின் கட்சியும் ஒரு சிறப்பு நடவடிக்கையைத் தொடங்கியுள்ளது. பசில் ராஜபக்ச தனது இலங்கைக்கு குடியுரிமையைத் துறக்க ஒரு சிறப்பு கோரிக்கையை விடுத்துள்ளார்.

குடியுரிமையை துறக்க முடிவு 

வெளிநாட்டு விவகாரங்கள் அமைச்சு மூலம் குடிவரவு மற்றும் குடியகல்வுத் திணைக்களத்திற்கு இந்தக் கோரிக்கை பெறப்பட்ட போதிலும், உள்ளூர் அதிகாரிகள் இதுவரை அதற்கு எந்த அதிகாரபூர்வ பதிலும் அளிக்கவில்லை.

பசில் ராஜபக்சவை நாட்டிற்கு ஒப்படைப்பது தொடர்பாக எடுக்கப்பட வேண்டிய சட்ட நடவடிக்கைகள் குறித்து அமெரிக்க அதிகாரிகள் இலங்கைக்கு ஒரு சிறப்பு அறிவிப்பை வெளியிட்டுள்ளனர்.

மொட்டுவின் அநுராதபுர பேரணிக்கு ஆதரவளித்தவர்களுக்கு நன்றி தெரிவித்த மகிந்த

நீதிமன்ற உத்தரவை பெற இலங்கைக்கு அமெரிக்கா அட்வைஸ் 

கடுமையான ஊழல் மற்றும் மோசடி குற்றச்சாட்டின் பேரில் பசில் ராஜபக்ச மீது நாட்டின் நீதிமன்றங்களில் உடனடியாக வழக்குப் பதிவு செய்து, நீதிமன்ற உத்தரவைப் பெறுமாறு அமெரிக்கா இலங்கைக்கு அறிவுறுத்தியுள்ளது.

அந்த அறிவுறுத்தல்களின் அடிப்படையில், பசிலுக்கு எதிராக நீதிமன்றங்களில் வழக்குப் பதிவு செய்வதற்கான ஏற்பாடுகள் தற்போது நடைபெற்று வருகின்றன. சம்பந்தப்பட்ட வழக்கில் பசில் ராஜபக்ச நீதிமன்றத்தில் ஆஜராகவில்லை என்றால், அவருக்கு எதிராக மீண்டும் ஒரு பிடியாணை பெற்று, அவரை அமெரிக்காவிலிருந்து இலங்கைக்கு ஒப்படைக்க அதிகாரிகள் திட்டமிட்டுள்ளனர்.

அமெரிக்க அரசாங்கத்தின் ஆதரவுடன் எடுக்கப்படும் இந்த சட்ட நடவடிக்கையின் காரணமாக, பசில் ராஜபக்சவின் எதிர்கால அரசியல் மற்றும் சட்டரீதியான இருப்பு கடுமையாக சவாலுக்கு உள்ளாகியுள்ளது.

தீவிரமடையும் ஷிரந்திக்கு எதிரான சிரிலிய நிதி முறைகேடுகள் விசாரணை