தமிழ் இன அழிப்பின் இருளில் எரிந்த ஆகுதி தீபங்கள்! தழல் ஈகங்களின் தடம்

Sri Lankan Tamils Tamils Indian Peace Keeping Force

By Shalini Balachandran Jun 02, 2026 10:36 AM GMT

Shalini Balachandran

in சமூகம்

Report

ஈழத்தில் தொப்புள்கொடி உறவுகள் முள்ளிவாய்க்காலில் கொத்துக் கொத்தாய்ச் செத்து மடிந்தபோது, உலக நாடுகளின் மௌனத்தைக் கலைக்கவும் இந்தியப் பேரரசின் கரங்களைப் போரை நிறுத்தக் கோரிப் பிணைக்கவும் தன் உடலையே தீக்கிரையாக்கிய முத்துக்குமார், முருகதாசன் உள்ளிட்ட 26 தழல் ஈகியர்களின் தியாகம் சாதாரணமானதொன்றல்ல.

அதிகார வர்க்கத்தின் அடக்குமுறைகளுக்கும் ஊடகங்களின் இருட்டடிப்புகளுக்கும் மத்தியில் தங்களின் உயிரையே விலையாகக் கொடுத்து அவர்கள் உருவாக்கிய அந்தப் பேரலை, தூங்கிக் கிடந்த தமிழ்ச் சமூகத்தை உலுக்கி எழுப்பி தெருவிற்குத் தெரு போராட்டக் களங்களை உருவாக்க வேண்டிய கட்டாயத்தை ஏற்படுத்தியது.

அவர்கள் தங்களைச் சாம்பலாக்கிக் கொள்ளவில்லை மாறாக அடக்குமுறைக்கு எதிராக எரியும் ஒரு புரட்சித் தீயை அடுத்த தலைமுறையின் நெஞ்சங்களில் மூட்டிச் சென்றார்கள்.

தமிழகத்தின் வீதிகளிலும் சர்வதேச நாடுகளின் மன்றங்களுக்கு முன்னாலும் சிந்தப்பட்ட அந்தத் தமிழ் இரத்தம், உலக நாடுகளின் இரட்டை வேடத்தைத் தோலுரித்துக் காட்டியது.

வீழ்வது நாமாக இருப்பினும், வாழ்வது நமது இனமாக இருக்கட்டும் - இந்தத் தழல் ஈகியர்களின் தியாகம் நமக்குச் சொல்வது ஒன்றைத்தான், ஆயுதங்கள் மௌனிக்கப்படலாம் ஆனால் அதற்காக நாம் மண்டியிட்டு வாழக் கூடாது.

அவர்கள் உடலால் மறைந்தாலும் தமிழ்த் தேசியப் போராட்டத்தின் திசைகாட்டிகளாக என்றும் நம் நெஞ்சங்களில் வாழ்ந்துகொண்டிருக்கிறார்கள்.

அவர்கள் தங்களின் இன்னுயிரைத் தந்து ஏற்றி வைத்த அந்தப் போராட்ட நெருப்பு அணையாமல் காப்பது நம் கடமை.

அரசியல் விழிப்புணர்வு, இன ஒற்றுமை மற்றும் சர்வதேச அரங்கில் நமக்கான நீதியைத் தேடும் தொடர் உழைப்பு மட்டுமே அந்தத் தியாகிகளுக்கு நாம் செலுத்தும் உண்மையான வீரவணக்கமாக இருக்க முடியும்.

அத்தோடு, இந்த வலி கலந்த வரலாற்றை அடுத்த தலைமுறைக்குக் கடத்துவதும் ஒவ்வொரு தமிழரின் முதன்மையான கடமையாகும்.

🛑Link - https://www.youtube.com/watch?v=XHvgw4sSQPA