சிறிலங்கா கிரிக்கெட் அணியில் ஏற்படவுள்ள மாற்றங்கள் : புதிய தேர்வுக்குழு அதிரடி திட்டம்
புதிதாக நியமிக்கப்பட்ட உபுல் தரங்க தலைமையிலான சிறிலங்கா கிரிக்கெட் தேர்வுக்குழு அணி தலைமைத்துவத்தில் மாற்றங்களை ஏற்படுத்தவுள்ளதாக தகவல்கள் வெளியாகி உள்ளன.
இதன்படி சிறிலங்கா ரி-20 கிரிக்கெட் அணியின் தலைவராக சகலதுறை வீரர் வனிந்து ஹசரங்கவை நியமிப்பது தொடர்பில் கவனம் செலுத்தப்பட்டுள்ளதாக தெரிவிக்கப்படுகின்றது.
ரி 20 தலைவராக வனிந்து ஹசரங்க
26 வயதான வனிந்து ஹசரங்க 2019 இல் நியூசிலாந்துக்கு எதிராக தனது ரி 20 போட்டியை வென்றார். மேலும் அவர் 58 ரி 20 போட்டிகளில் 91 விக்கெட்டுகளை வீழ்த்தியுள்ளார். ஐசிசி ரி 20 பந்து வீச்சாளர்களின் தரவரிசையில் ஒரு காலத்தில் முதல் நிலை பந்துவீச்சாளராக இருந்த வனிந்து, தற்போது தரவரிசையில் 03வது இடத்தில் உள்ளார்.
ஒருநாள் போட்டித் தலைவர் பதவி
2021 இல், தசுன் ஷனக இலங்கையின் ஒரு நாள் மற்றும் ரி 20 தலைவராக நியமிக்கப்பட்டார், மேலும் நடைபெற்று முடிந்த 2023 உலகக் கோப்பையின் போது காயம் காரணமாக, அவரை நீக்கிவிட்டு தற்காலிகமாக குசல் மெண்டிஸை தலைவராக நியமிக்க தேர்வுக் குழு முடிவு செய்தது. எனினும், ஒருநாள் போட்டித் தலைவர் பதவி தொடர்பில் புதிய தெரிவுக்குழு இன்னும் தீர்மானம் எடுக்கவில்லை எனத் தெரிவிக்கப்படுகிறது.
டெஸ்ட் தலைமைப் பதவி
டெஸ்ட் தலைமைப் பதவியை திமுத் கருணாரத்னவுக்கே வழங்க புதிய தேர்வுக் குழுவும் செயல்பட்டு வருகிறது.
உபுல் தரங்க தலைமையிலான தெரிவுக்குழு எதிர்வரும் திங்கட்கிழமை மீண்டும் கூடவுள்ளது. எதிர்வரும் ஜனவரி மாதம் ஆரம்பமாகவுள்ள இலங்கை – சிம்பாப்வே போட்டிக்கான இலங்கை அணி தொடர்பில் தீர்மானிக்கப்படவுள்ளதாக தெரிவிக்கப்படுகின்றது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
உடுவில், கொழும்பு, Melbourne, Australia, சிங்கப்பூர், Singapore, Kuala Lumpur, Malaysia, Chennai, India, வவுனியா
26 May, 2026
மட்டக்களப்பு, Lusaka, Zambia, மஹிகெங், Mahikeng, South Africa
26 May, 2026
கொட்டடி, யாழ்ப்பாணம், நல்லூர், கொக்குவில், Northolt, United Kingdom
23 May, 2026
மாத்தளை, கிளிநொச்சி, புங்குடுதீவு 3ம் வட்டாரம், புங்குடுதீவு குறிகட்டுவான், Villeneuve-Saint-Georges, France
22 May, 2026
யாழ் நாரந்தனை கிழக்கு, Jaffna, கொழும்பு, Zürich, Switzerland
25 Apr, 2026
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015