ஆவா கும்பலைச் சேர்ந்த நால்வர் அதிரடியாக கைது

Sri Lanka Police Colombo Jaffna Sri Lanka Police Investigation

By Sumithiran Nov 17, 2024 05:24 PM GMT

Sumithiran

in குற்றம்

Report

அச்சுறுத்தல் மற்றும் தாக்குதல் சம்பவங்களுடன் தொடர்புடைய யாழ்ப்பாணத்தை (Jaffna) மையமாகக் கொண்ட பிரபல 'ஆவா' கும்பலைச் சேர்ந்த இருவர் உட்பட நான்கு சந்தேகநபர்கள் மட்டக்குளி (Mattakkuliya) பகுதியில் வைத்து கைது செய்யப்பட்டுள்ளனர்.

கடத்தல் தொடர்பாக தனி நபர் ஒருவரிடமிருந்து காவல்துறைக்கு கிடைத்த இரகசிய தகவலையடுத்து இவர்கள் கைது செய்யப்பட்டுள்ளனர்.

மட்டக்குளிய வீதியில் வைத்து சந்தேகநபர்கள் கைது செய்யப்பட்டதாக காவல்துறையினர் தெரிவித்தனர்.

'ஆவா' கும்பலுடன் தொடர்பு

ஈச்சிலம்பற்று மற்றும் தோப்பூரைச் சேர்ந்த இவர்கள் வடகிழக்கில் குற்றச் செயல்களில் ஈடுபடும் 'ஆவா' கும்பலுடன் தொடர்புடையவர்கள் என்பது விசாரணையில் தெரியவந்தது.

ஆவா கும்பலைச் சேர்ந்த நால்வர் அதிரடியாக கைது | Police Arrest Four Suspects Awa Gang

ஏனைய இரண்டு சந்தேகநபர்களும் அண்மையில் டுபாயில் இருந்து இலங்கைக்கு வருகை தந்திருந்த நிலையில், திருகோணமலையில் இருந்து மட்டக்குளிக்கு 'ஆவா' கும்பல் உறுப்பினர்களை அழைத்து வருமாறு டுபாயில் வசிக்கும் நபர் ஒருவரினால் அறிவுறுத்தப்பட்டுள்ளனர்.

டிக்டொக் மூலம் மிரட்டல்

இரண்டு கும்பல் உறுப்பினர்களும் டுபாயில் இருந்த நபரை டிக்டொக் மூலம் மிரட்டியதும் தெரியவந்தது. இவர்களது தொலைபேசிகள் தொடர்பில் மேற்கொள்ளப்பட்ட மேலதிக விசாரணைகளின் போது, 'ஆவா' கும்பலைச் சேர்ந்த இருவரையும் பெண் ஒருவர் மட்டக்குளிக்கு அழைத்து வந்ததாகவும், பின்னர் அவர்கள் தாக்கப்பட்டு, டுபாயில் உள்ள நபருக்கு அனுப்புவதற்காக காணொளி படம்பிடிக்கப்பட்டதாகவும் தெரியவந்துள்ளது.

ஆவா கும்பலைச் சேர்ந்த நால்வர் அதிரடியாக கைது | Police Arrest Four Suspects Awa Gang

சந்தேகநபர்கள் 24, 26, 27 மற்றும் 32 வயதுடையவர்கள் எனவும் புதுக்குடியிருப்பு, கொட்டாஞ்சேனை, ஈச்சிலம்பற்று மற்றும் தோப்பூர் ஆகிய பகுதிகளைச் சேர்ந்தவர்கள் என அடையாளம் காணப்பட்டுள்ளனர்.

சம்பவம் தொடர்பில் மட்டக்குளி காவல்துறையினர் தொடர்ந்தும் விசாரணைகளை மேற்கொண்டு வருகின்றனர்.