குருநாகலில் துப்பாக்கிச் சூடு நடத்தி காரை மடக்கிய காவல்துறையினர் - 3 பேர் கைது
குளியாப்பிட்டிய அருகே பன்னலை நகரில் இன்று காலை காவல்துறையினர் துப்பாக்கிச் சூடு நடத்தி காரொன்றை மடக்கிப் பிடித்ததுடன், அதில் பயணித்த மூவரை கைது செய்துள்ளனர்.
குருநாகல் - கொழும்பு வீதியின் கிரியுல்ல பகுதியில் சந்தேகத்திற்கிடமான முறையில் பயணித்த காரொன்றை நிறுத்துமாறு காவல்துறையினர் சைகை செய்துள்ளனர்.
எனினும், காரை நிறுத்தாமல் சாரதி தொடர்ந்து அதிவேகமாக கிரியுல்ல - நீர்கொழும்பு வீதியில் பயணித்ததாக தெரிவிக்கப்படுகிறது.
சட்டவிரோத நடவடிக்கைகள்
இதையடுத்து, கிரியுல்ல காவல்துறையினரின் ஜீப் வாகனம் குறித்த காரை துரத்திச் சென்றுள்ளது.
யன்னலை நகரின் மத்தியில், வீதியில் பயணித்த லொறி மற்றும் டிப்பர் ரக வாகனங்களைப் பயன்படுத்தி காரின் பாதையை மறித்த காவல்துறையினர், அதனை சுற்றிவளைத்துள்ளனர்.
பின்னர் காரின் முன்புறம் மற்றும் பின்புறத்தில் உள்ள ஒரு பக்க சக்கரங்களை நோக்கி துப்பாக்கிச் சூடு நடத்தி, கார் நகர முடியாதவாறு தடுத்து நிறுத்தப்பட்டுள்ளது.
இதனைத் தொடர்ந்து, காரின் முன்பக்க இடதுபுற கண்ணாடி உடைக்கப்பட்டு கதவு திறக்கப்பட்டதையடுத்து, சாரதி ஆசனத்தில் இருந்த ஆண் ஒருவரும் பின்புற ஆசனங்களில் இருந்த இரண்டு பெண்களும் கைது செய்யப்பட்டுள்ளனர்.
குறித்த காரில் போதைப்பொருள் கடத்தல் அல்லது வேறு ஏதேனும் சட்டவிரோத நடவடிக்கைகள் மேற்கொள்ளப்பட்டனவா என்பது தொடர்பில் காவல்துறையினர் மேலதிக விசாரணைகளை மேற்கொண்டு வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
