போலி சமூக ஊடகப் பதிவு! காவல்துறை விடுத்துள்ள எச்சரிக்கை

Sri Lanka Police Sri Lanka Police Investigation

By Dharu Mar 23, 2026 03:26 AM GMT

Dharu

in பாதுகாப்பு

Report

இலங்கை காவல்துறையினருடையது எனத் தவறாகக் கூறப்பட்டு சமூக ஊடகங்களில் பரவி வரும் செய்தி ஒன்று தொடர்பாக இலங்கை காவல்துறை விளக்கம் வெளியிட்டுள்ளது.

அந்தச் செய்தியில் கூறப்பட்டுள்ளதாவது,

''விழிப்புடன் இருங்கள். நம் நாட்டில் நிலவும் இந்தப் பொருளாதார நெருக்கடிக் காலத்தில், நாம் அனைவரும் புரிந்துகொண்டு மனதில் கொள்ள வேண்டிய பல முக்கிய விடயங்களில் கூர்ந்து கவனம் செலுத்துமாறு உங்களை அன்புடன் கேட்டுக்கொள்கிறோம்.

காவல்துறை ஊடகப் பிரிவு

இருப்பினும், அந்த அறிக்கை காவல்துறையால் எந்தவொரு அதிகாரப்பூர்வ வழிமுறையின் மூலமாகவும் வெளியிடப்படவில்லை என அதிகாரிகள் உறுதிப்படுத்தியுள்ளனர்.

ஓர் அதிகாரப்பூர்வ அறிக்கையில்,

போலி சமூக ஊடகப் பதிவு! காவல்துறை விடுத்துள்ள எச்சரிக்கை | Police Warning Today

சரிபார்க்கப்பட்ட அனைத்து அறிவிப்புகளும் காவல்துறை ஊடகப் பிரிவு மூலமாக மட்டுமே வெளியிடப்பட்டு, பொருத்தமான தலைப்புகளின் கீழ் முறையான பத்திரிகை அறிக்கைகளாக ஊடகங்களுக்கு விநியோகிக்கப்படுகின்றன என்று காவல்துறை வலியுறுத்தியுள்ளது.

அதன்படி, துல்லியமான மற்றும் சரிபார்க்கப்பட்ட தகவல்களுக்கு, காவல்துறையின் முகநூல் பக்கம் மற்றும் யூடியூப் சேனல் உள்ளிட்ட அதிகாரப்பூர்வ சமூக ஊடகத் தளங்களில் பகிரப்படும் பதிவுகளை மட்டுமே நம்புமாறு பொதுமக்களுக்கு அறிவுறுத்தப்பட்டுள்ளது.

இதற்கிடையில், அந்தத் தவறான செய்தி ஒரு தனிநபரால் அல்லது ஒரு ஒழுங்கமைக்கப்பட்ட குழுவால் வேண்டுமென்றே பரப்பப்பட்டதா என்பதைக் கண்டறிய காவல்துறை விசாரணையைத் தொடங்கியுள்ளது.

சமூக ஊடகத் தளங்களில் சரிபார்க்கப்படாத உள்ளடக்கங்களைக் காணும்போதும் பகிரும்போதும் பொதுமக்கள் எச்சரிக்கையுடனும் விவேகத்துடனும் செயல்பட வேண்டும் என்று காவல்துறை மேலும் வலியுறுத்தியுள்ளது.