தபால்மூலம் வாக்களிக்க தவறியவர்களுக்கு அரிய சந்தர்ப்பம்
நாடாளுமன்றத் தேர்தல் தொடர்பில் கடந்த நாட்களில் தபால்மூல வாக்கைக் பதிவு செய்ய முடியாதவர்கள் இன்றும் (07) நாளையும் (08) தபால் மூலம் வாக்களிக்க முடியும் என தேர்தல்கள் ஆணைக்குழு தெரிவித்துள்ளது.
இதனால், இந்த 02 நாட்களில், அவர்கள் பணிபுரியும் மாவட்டத்தின் மாவட்ட தேர்தல் அலுவலகங்களில் தபால் மூலம் வாக்களிக்க முடியும்.
ஏழு இலட்சத்து முப்பத்து எட்டாயிரத்து ஐம்பது (738,050) தபால்மூல வாக்காளர்கள் இவ்வருட நாடாளுமன்ற தேர்தலுக்கு தகுதி பெற்றுள்ளனர்.
தபால் மூல வாக்களிப்பு
நாடாளுமன்றத் தேர்தலையொட்டி கடந்த 30ஆம் திகதி முதல் கடந்த 4ஆம் திகதி மாவட்டச் செயலக அலுவலகங்கள், தேர்தல் அலுவலகங்கள், காவல்துறை ஆகியவற்றில் தபால் மூல வாக்காளர்கள் தமது வாக்குகளை அளித்தனர். இம்மாதம் 1 மற்றும் 4 ஆம் திகதிகளில் ஏனைய அரச நிறுவனங்கள் மற்றும் இராணுவ முகாம்களில் தபால் மூல வாக்களிப்பு நடத்தப்பட்டது.
ஐந்து செல்லுபடியாகும் அடையாள அட்டைகள்
தபால் மூலம் வாக்களிக்கும் போது அடையாளத்தை சரிபார்க்க ஐந்து செல்லுபடியாகும் அடையாள அட்டைகளை தேர்தல் ஆணையம் அறிவித்துள்ளது.
இதன்படி, தேசிய அடையாள அட்டைக்குப் பதிலாக ஆட்பதிவுத் திணைக்களத்தினால் வழங்கப்பட்ட தகவல் உறுதிப்படுத்தல் கடிதம்,தேர்தல் ஆணையத்தினால் வழங்கப்பட்ட தேசிய அடையாள அட்டை, செல்லுபடியாகும் சாரதி அனுமதிப்பத்திரம், செல்லுபடியாகும் கடவுச்சீட்டு மற்றும் தற்காலிக அடையாள அட்டை ஆகியவற்றை பயன்படுத்த முடியும்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
வல்வெட்டித்துறை, கொழும்பு, சென்னை, India, Frankfurt, Germany, இந்தோனேசியா, Indonesia, Buenos Aires, Argentina
15 May, 2025
நெடுந்தீவு, முரசுமோட்டை, Vancouver, Canada, Mississauga, Canada
19 May, 2024
