மக்களின் துன்பங்களை புரிந்து கொள்ளாத கோட்டாபய - ரணில் பதவி விலகவேண்டும் - வெளியான அறிக்கை
ஆட்சியாளர்களின் பொறுப்பற்ற செயற்பாடுகள்
நாட்டின் தற்போதைய பொருளாதார சீரழிவு மற்றும் மக்கள் படும் இன்னல்கள் தொடர்பாக ஆட்சியாளர்களின் பொறுப்பற்ற செயற்பாடுகள் காரணமாக அரச தலைவர் மற்றும் பிரதமர் பதவி விலகவேண்டுமென சிலோன் தேவாலயம் வேண்டுகோள் விடுத்துள்ளது.
இது தொடர்பாக வெளியிடப்பட்ட அறிக்கையில் மேலும் தெரிவிக்கப்பட்டுள்ளதாவது,
புதிய பிரதமர் பதவியேற்று இரண்டு மாதங்கள்
ஒரு புதிய பிரதமர் பதவியேற்று ஏறக்குறைய இரண்டு மாதங்கள் ஆகிறது மக்கள் மற்றும் மதத் தலைவர்கள் மற்றும் சிவில் சமூகத்தின் அறிவுரைகள் புறக்கணிக்கப்பட்டுள்ளது. அதன்பின் பதவியேற்ற அமைச்சரவை எமது மக்களின் துன்பத்தைப் போக்க அல்லது எந்த ஒரு உதவியையும் பெறுவதற்கு அர்த்தமுள்ள நடவடிக்கைகளை எடுக்கத் தவறிவிட்டது.
நாட்டின் நெருக்கடி நிலை குறித்து அவ்வப்போது விளக்கம் அளித்து மக்களை எச்சரித்து வருகிறது எனினும் குறுகிய, நடுத்தர மற்றும் நீண்ட கால தீர்வாக தெளிவான செயல்திட்டம் அல்லது உத்தி எதுவும் இல்லை.
அமைச்சர்கள் கூட ஒருவருக்கொருவர் ராஜினாமா செய்யுமாறு வெளிப்படையாக அழைப்பு விடுக்கிறார்கள். இருந்தும் இந்த அரசாங்கத்திற்கு சட்டபூர்வ அங்கீகாரம் இல்லை என்பது தெளிவாகிறது.
எரிபொருள் வரிசையில் இறக்கும் மக்கள்
எமது மக்கள் பல நாட்களாக எரிபொருள் வரிசையில் நலிந்து வீதிகளில் இறக்கின்றமை குறித்து நாம் மிகவும் கவலையடைகின்றோம். எங்களின் பள்ளிகள் காலவரையின்றி மூடப்பட்டுள்ளன, இதனால் நம் நாட்டின் எதிர்காலம் சீர்செய்ய முடியாத அளவிற்கு மோசமாக பாதிக்கப்பட்டுள்ளது.
காவல்துறையும் ஆயுதப்படைகளும் இப்போது அளவுக்கு மீறிய பலத்தை பிரயோகிக்கிறார்கள் என்று நாங்கள் கவலைப்படுகிறோம். தற்கொலை மற்றும் குற்றச்செயல்களின் விகிதம் நமது சமூகம் எந்த அளவிற்கு விரக்தி அடைந்துள்ளது என்பதைக் காட்டுகிறது.
இனியும் இந்த அரசாங்கம் என்று சொல்லிக் கொள்ளாமல் ஒதுங்கி இருப்பதும், பதவி விலகுமாறு எமது மக்கள் விடுக்கும் அழைப்பை அலட்சியப்படுத்துவதும் சாத்தியமில்லை. சொந்த மக்களின் நம்பிக்கையைப் பெற முடியாத எந்தவொரு அரசாங்கமும் ஒரு நிலையாக நிற்காது என அதில் மேலும் தெரிவிக்கப்பட்டுள்ளது.
புங்குடுதீவு 5ம் வட்டாரம், மானிப்பாய், வண்ணார்பண்ணை, Vaughan, Canada
05 Jun, 2025
புங்குடுதீவு 7ம் வட்டாரம், London, United Kingdom
30 Jun, 2012
கரவெட்டி, வெள்ளவத்தை, குருநாகல், புத்தளம், மட்டக்களப்பு, அநுராதபுரம்
02 Jul, 2025
