IMFஇன் திட்டத்தை வெற்றிகரமாக நிறைவு செய்வதில் அரசாங்கம் உறுதியாக உள்ளது:ஜனாதிபதி
மார்ச் 2027இல் தற்போதைய விரிவாக்கப்பட்ட நிதி வசதி (EFF) திட்டம் முடிவடைந்ததைத் தொடர்ந்து, சர்வதேச நாணய நிதியத்துடனான (IMF) இலங்கையின் எதிர்கால ஈடுபாட்டை மதிப்பிடுவதற்காக அரசாங்கம் ஒரு குழுவை நியமித்துள்ளதாக ஜனாதிபதி அனுர குமார திசாநாயக்க தெரிவித்துள்ளார்.
நாட்டின் அந்நியச் செலாவணிக் கையிருப்பைத் தொடர்ந்து வலுப்படுத்தும் அதே வேளையில், தற்போதுள்ள சர்வதேச நாணய நிதியத்தின் (IMF) திட்டத்தை வெற்றிகரமாக நிறைவு செய்வதில் அரசாங்கம் உறுதியாக உள்ளது என்று கூறினார்.
சர்வதேச நாணய நிதியத்தின் (IMF) திட்டத்தின் கீழ் அரசாங்கத்தின் ஆரம்ப இலக்கை விட அதிகமாக, 2032ஆம் ஆண்டுக்குள் பொதுக் கடன் மொத்த உள்நாட்டு உற்பத்தியில் (GDP) 87 சதவீதமாகக் குறையும் என்று கணிக்கப்பட்டுள்ளதாகவும் ஜனாதிபதி அறிவித்தார்.
வரித் தளத்தை விரிவுபடுத்தவும், வரி விலக்குகளை நெறிப்படுத்தவும், வரி நிர்வாகத்தை டிஜிட்டல் மயமாக்கவும் அரசாங்கம் அவசியமான சீர்திருத்தங்களைச் செயல்படுத்தி வருவதாக ஜனாதிபதி திசாநாயக்க மேலும் தெரிவித்தார்.
பொதுத்துறை சீர்திருத்தத்தின் அவசியத்தை வலியுறுத்திய ஜனாதிபதி, நாட்டின் எதிர்கால அபிவிருத்தித் தேவைகளைப் பூர்த்தி செய்யும் வகையில் தற்போதைய அரச இயந்திரம் மாற்றியமைக்கப்பட வேண்டும் என்று கூறினார்.
பாரம்பரிய அரசு எந்திரத்தின் மூலம் நாடு விரும்பிய மாற்றத்தை அடைய முடியாது என்று அவர் வலியுறுத்தியதோடு, வலுவான, திறமையான மற்றும் செயல்திறன் மிக்க ஒரு பொது நிர்வாகத்திற்கும் அழைப்பு விடுத்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு, கொழும்பு, Sanaa, Yemen, சென்னை, India, Toronto, Canada, Sacramento, United States
07 Nov, 2026
அல்லைப்பிட்டி, பிரான்ஸ், France
12 Nov, 2011
