76 ஆவது பிறந்த நாளை கொண்டாடினார் ரணில்

Ranil Wickremesinghe UNP Birthday

By Sumithiran Mar 24, 2025 10:50 PM GMT

Sumithiran

in அரசியல்

Report

நாடு கொந்தளிப்பில் இருந்தபோது ரணில் விக்ரமசிங்க(ranil wickremesinghe) எடுத்த முடிவுகளால் இன்று மக்கள் வசதியாக வாழ்கிறார்கள் என்று பம்பரானந்த குருந்துறை பூர்வாராராம ராஜமகா விஹாரையின் தலைமை விகாராதிபதி வணக்கத்திற்குரிய தோடம்பஹல ராகுல நா தேரர் தெரிவித்தார்.

முன்னாள் ஜனாதிபதி ரணில் விக்ரமசிங்கவின் பிறந்தநாளை முன்னிட்டு சேதவத்தையில் உள்ள பண்டைய வெஹெரகொட விகாரையில் நடைபெற்ற மத விழாக்களில் பங்கேற்ற போதே வணக்கத்திற்குரிய ராகுல தேரர் இவ்வாறு தெரிவித்தார்.

ஐக்கிய மக்கள் சக்தி எம்.பியும் பங்கேற்பு

இந்த மத விழா, இட்டபனே, தம்மாலங்கார கோட்டேயில் உள்ள கல்யாணி சாமகிரி தர்ம மகா சங்க சபையின் மகா நா தேரரின் தலைமையில் நடைபெற்றது. சேதவத்த வெஹெரகொட ராஜமகா விஹாரையின் பிரதம விகாராதிபதி அம்பன்வல ஞானலோக தேரரின் தலைமையில் ஏற்பாடு செய்யப்பட்டன.

76 ஆவது பிறந்த நாளை கொண்டாடினார் ரணில் | Ranil Celebrates 76Th Birthday

இந்த நிகழ்வில் ஐக்கிய மக்கள் சக்தியின் நாடாளுமன்ற உறுப்பினர் கவிந்த ஜெயவர்தன மற்றும் முன்னாள் ஐக்கிய மக்கள் சக்தியின் நாடாளுமன்ற உறுப்பினர் அஜித் மன்னப்பெரும ஆகியோரும் கலந்து கொண்டனர் என்பது குறிப்பிடத்தக்கது.

மகா சங்கத்தினருக்கான அன்னதான நிகழ்வொன்றும் இங்கு நடைபெற்றது, இதில் ரணில் விக்ரமசிங்கவும் கலந்து கொண்டார்.

நாட்டிற்கு பாதகமான எந்தவொரு முடிவையும் ஒருபோதும் எடுத்ததில்லை

இந்நிகழ்வில் உரையாற்றிய தொடம்பஹல ராகுல தேரர், ரணில் விக்ரமசிங்க நாட்டிற்கு பாதகமான எந்தவொரு முடிவையும் ஒருபோதும் எடுத்ததில்லை என்று மேலும் கூறினார்.நாட்டின் மகா சங்கத்தினரின் ஆசிர்வாதம் ரணில் விக்ரமசிங்கவுக்கு எப்போதும் இருக்கும் என்றும் வணக்கத்திற்குரிய ராகுல நா தேரர் கூறினார்.

76 ஆவது பிறந்த நாளை கொண்டாடினார் ரணில் | Ranil Celebrates 76Th Birthday

இதேவேளை, ரணில் விக்ரமசிங்கவின் பிறந்தநாளை முன்னிட்டு அவருக்கு வாழ்த்து தெரிவிக்கும் நிகழ்ச்சி இன்று (24) காலை கொழும்பில் உள்ள அரசியல் அலுவலகத்தில் நடைபெற்றது, மேலும் பல அரசியல் தலைவர்கள் இந்த நிகழ்வில் பங்கேற்றனர்.