15 வயது சிறுமி வன்புணர்வு - தலைமறைவான இளைஞன் கைது
15 வயது சிறுமியை கர்ப்பிணியாக்கிய இளைஞனை கைது செய்துள்ளதாக காவல்துறையினர் தெரிவித்தனர்.
மட்டக்களப்பு வாகரை காவல்துறை பிரிவில் இந்த சம்பவம் இடம்பெற்றுள்ளது. சம்பவம் தொடர்பில் மேலும் தெரியவருவதாவது,
கர்ப்பிணியான சிறுமி
குறித்த சிறுமியை 18 வயதான இளைஞன் காதலித்து வந்த நிலையில் சிறுமி மூன்றுமாத கர்ப்பிணியாகி உள்ளார்.இதனையடுத்து அவர்கள் இருவரையும் பெற்றோர் சேர்த்து வைத்த நிலையில் அவர்கள் குடும்பமாக வாழ்ந்து வந்துள்ளனர்.
இது தொடர்பில் சிறுவர் நன்நடத்தை உத்தியோகத்தர்களுக்கு கிடைத்த தகவலை அடுத்து சிறுமியை பாலியல் வன்புணர்வு செய்த குற்றச்சாட்டில் 18 வயது இளைஞனுக்கு எதிராக கடந்த முதலாம் திகதி காவல்நிலையத்தில் முறைப்பாடு செய்தனர்.
இளைஞன் கைது
இந்த நிலையில் இருவரும் மறைந்திருந்த நிலையில் 18 வயது இளைஞனை காவல்துறையினர் இன்று (8) கைது செய்ததுடன் சிறுமியை வைத்தியசாலையில் அனுமதித்தனர்.
கைது செய்யப்பட்ட இளைஞனுக்கு எதிராக சிறுமியை பாலியல் வன்புணர்வு மேற்கொண்ட குற்றசாட்டின் கீழ் வழக்கு தாக்கல் செய்து நீதிமன்றில் முன்னிலைப்படுத்த நடவடிக்கை எடுக்கப்பட்டுள்ளதாக காவல்துறையினர் தெரிவித்தனர்.
வேலணை கிழக்கு, கந்தர்மடம், யாழ்ப்பாணம், திருகோணமலை, Markham, Canada
23 Feb, 2026
