வீட்டில் இருந்த பெண் படுகொலை : காவல்துறையினர் வெளியிட்ட சந்தேகம்

Sri Lanka Police Colombo Sri Lanka Police Investigation

By Sathangani Mar 29, 2024 02:55 AM GMT

Sathangani

in குற்றம்

Report

கடுவெல - கொத்தலாவல, பட்டியாவத்த வீதியிலுள்ள வீட்டில் இரத்தக் காயங்களுடன் பெண்ணொருவரின் சடலம் கண்டுபிடிக்கப்பட்டுள்ளதாக காவல்துறையினர் தெரிவித்துள்ளனர்.

கடுவெல நகரில் பணிபுரிந்து வரும் அஜந்தா என்ற 51 வயதுடைய இரண்டு பிள்ளைகளின் தாயாரே இவ்வாறு உயிரிழந்துள்ளார் எனக் குறிப்பிடப்பட்டுள்ளது.

நேற்று முன்தினம் அவரது கணவர், மகள் மற்றும் மகன் ஆகியோர் காலையில் வேலைக்குச் சென்ற நிலையில், வீட்டில் பெண் தனியாக இருந்துள்ளார்.

காவல்துறையினர் சந்தேகம்

இந்த நிலையில் குறித்த பெண் வழமையாக காலை 11.00 மணியளவில் வேலைக்கு செல்வதாகவும் காவல்துறையினரின் விசாரணைகளில் தெரியவந்துள்ளது.

வீட்டில் இருந்த பெண் படுகொலை : காவல்துறையினர் வெளியிட்ட சந்தேகம் | Recovery A Dead Body Of A Woman In Kaduwela Police

இதேவேளை பெண்ணின் தலையின் பின்புறத்தில் பெரிய காயம் மற்றும் அவரது முகத்தில் கீறல்கள் இருந்ததாகவும், அவர் அணிந்திருந்த தங்க ஆபரணமும் காணாமல் போயுள்ளதாகவும், வீட்டில் எதையோ தேடியதற்கான தடயங்களும் கிடைத்துள்ளதாக காவல்துறையினர் குறிப்பிட்டுள்ளனர்.

இதனால், வீட்டில் திருடுவதற்காக புகுந்த யாரேனும் தாக்கியதானால் இந்த மரணம் நிகழ்ந்திருக்கலாம் என காவல்துறையினர் சந்தேகிக்கின்றமை குறிப்பிடத்தக்கது.