திலீபன் சிலை விவகாரம் : கஜேந்திரனுக்கு யாழ் மாவட்ட குற்றத் தடுப்பு பிரிவு அழைப்பு

தமிழ்த் தேசிய மக்கள் முன்னணியின் செயலாளரும் முன்னாள் நாடாளுமன்ற உறுப்பினருமான செல்வராசா கஜேந்திரனுக்கு யாழ் மாவட்ட குற்றத் தடுப்பு காவல்துறையினர் அழைப்பு விடுத்துள்ளனர்.

தியாக தீபம் திலீபனுக்கு புதிதாக அமைக்கப்பட்ட சிலை சம்பந்தமாக வாக்குமூலம் பதிவு செய்வதற்காக இன்று (25) ஞாயிற்றுக்கிழமை காலை 10 மணிக்கு யாழ் மாவட்டக் குற்றத் தடுப்பு காரியாலயத்திற்கு சமுகமளிக்குமாறு அவருக்கு அழைப்பு விடுக்கப்பட்டுள்ளது.

இந்த விடயம் தொடர்பில் செல்வராசா கஜேந்திரன் ஐபிசி தமிழுக்கு இன்று காலை தெரிவித்ததாவது, யாழ்ப்பாணம் காவல்துறையினரினால் நேற்றைய தினம் (24) கந்தர்மடத்திலுள்ள எனது வீட்டில் கட்டளை ஒன்று வழங்கப்பட்டிருக்கின்றது.

செம்மணியில் சர்வதேச தடயவியல் விசாரணை : கனேடிய அதிகாரிகளிடம் விடுக்கப்பட்ட கோரிக்கை

திலீபனின் திருவுருவச் சிலை 

இன்று ஞாயிற்றுக்கிழமை 25 ஆம் திகதி காலை 10 மணிக்கு காவல்நிலையத்திலே வாக்குமூலம் அளிப்பதற்கு சமுகமளிக்குமாறு கூறப்பட்டிருக்கின்றது.

குறிப்பாக தியாக தீபம் திலீபனின் திருவுருவச் சிலை தொடர்பான விசாரணை என்று குறிப்பிடப்பட்டுள்ளது. அந்த விடயம் தொடர்பாக வாக்குமூலம் அளிப்பதற்கு வருமாறு கட்டளை வழங்கப்பட்டுள்ளது.

நான் இன்று 10 மணிக்கு அங்கே செல்ல இருக்கின்றேன். நேற்று தான் என்னுடைய கைக்கு அந்த கட்டளை கிடைத்தது.

இதற்கு முன்னர் இரண்டு தடவை கரவெட்டியிலுள்ள என்னுடைய தாயாரின் இல்லத்திற்கு கட்டளையை கொண்டு சென்றிருக்கின்றார்கள். மகன் யாழ்ப்பாணத்தில் இருக்கின்றார் அவரிடம் சமர்ப்பியுங்கள் என்று என்னுடைய தாயார் அவர்களிடம் சொல்லியிருக்கின்றார்.

கிரிஷ் நிறுவன இயக்குநரின் சாட்சியம்: நாமலுக்கும் - ஜானகிக்கும் இறுகும் விசாரணை பிடி

வாக்குமூலம் அளிக்கவுள்ளார்

ஆனால் அவர்கள் என்னிடம் கையளிக்காமலேயே வாக்குமூலம் இரண்டு தடவை எனக்கு கட்டளை அனுப்பியும் நான் வரவில்லை என்று எங்களுடைய உறுப்பினரிடம் பொய் சொல்லியிருக்கின்றார்கள்.

நேற்றைய தினம் உரிய முறையில் கட்டளை எனக்கு கிடைத்தமையால் இன்று வாக்குமூலம் அளிக்கச் செல்கின்றேன் ” என தெரிவித்தார்.

இதேவேளை குறித்த விசாரணைக்கு சமூகமளிக்க தவறும் பட்சத்தில் அவருக்கு எதிராக இலங்கை தண்டனை சட்டக்கோவை 172ஆம் பிரிவின் கீழ் வழக்கு தொடரப்பட்டு நீதிமன்றம் மூலம் அழைப்பாணை பெறப்படும் எனவும் அந்தக் கட்டளையில் குறிப்பிடப்பட்டுள்ளது.