தென் மாகாணத்தை அச்சுறுத்தும் டெங்கு

 தென் மாகாணத்தில் டெங்கு நோய் பரவல் கடுமையான அபாய நிலையை எட்டியுள்ளது என தென் மாகாண சுகாதார சேவைகள் பணிப்பாளர் மருத்துவர் எம்.ஜி.எஸ். பண்டிதரத்ன தெரிவித்துள்ளார்.

ஜனவரி முதல் கடந்த 6 மாதங்களில், தென் மாகாணத்தில் 7,969 டெங்கு நோயாளிகள் பதிவாகியுள்ளனர், அவர்களில் ஐந்து பேர் உயிரிழந்துள்ளனர்.

 53,000-ஐத் தாண்டியுள்ள டெங்கு பாதிப்புகள்

சுகாதாரத் துறையால் நடத்தப்பட்ட கள ஆய்வுகளில், தென் மாகாணத்தில் 100 வீடுகளை ஆய்வு செய்தால், அவற்றில் 20 வீடுகளில் டெங்கு கொசுக்கள் இனப்பெருக்கம் செய்யும் இடங்கள் இருப்பது தெரியவந்துள்ளது.

இதேவேளை இந்த ஆண்டு இலங்கையில் டெங்கு பாதிப்புகள் 53,000-ஐத் தாண்டியுள்ளன. ஜூன் மாத மழைக்காலங்களில் பாதிப்புகள் கவலைக்கிடமாக அதிகரித்துள்ளதாக என சுகாதார அதிகாரிகள் எச்சரித்துள்ளனர்.

தேசிய டெங்கு கட்டுப்பாட்டுப் பிரிவின்படி, ஜூன் மாதத்தில் மட்டும் 19,318 நோயாளிகள் பதிவாகியுள்ளனர். இதனால், 2026-ஆம் ஆண்டின் 25-வது வாரத்திற்குள் மொத்த பாதிப்புகளின் எண்ணிக்கை 53,159-ஆக உயரர்ந்துள்ளது.

இந்த நோய்ப் பரவலால் இதுவரை 31 பேர் உயிரிழந்துள்ளனர். ஆண்டின் முதல் ஐந்து மாதங்களில் மாதாந்திர பாதிப்புகளின் எண்ணிக்கை 10,000-க்கும் குறைவாகவே இருந்தது என்றும், ஆனால் ஜூன் மாத புள்ளிவிவரங்கள் ஒரு கூர்மையான அதிகரிப்பைக் குறிக்கின்றன என்றும் அதிகாரிகள் குறிப்பிட்டனர்.

வெளிநாடொன்றில் நூறுவயதை கடந்து வாழும் மூன்று சகோதரிகள்: கின்னஸ் சாதனை

பொதுமக்களுக்கு வெளியான அறிவிப்பு

மேற்கு மாகாணத்தில் அதிகபட்சமாக 27,833 நோயாளிகள் பதிவாகியுள்ளனர். இது தேசிய மொத்த எண்ணிக்கையில் 52.36% ஆகும்.

மொத்தத்தில், 124 சுகாதார மருத்துவ அதிகாரி பிரிவுகள் உயர் அபாய மண்டலங்களாக அறிவிக்கப்பட்டுள்ளன.

நோய்ப் பரவலைக் கட்டுப்படுத்துவதற்காக, சுற்றுப்புறங்களைத் தூய்மையாக வைத்திருக்கவும், கொசுக்கள் இனப்பெருக்கம் செய்யும் இடங்களை அகற்றவும், அவற்றின் லார்வா மற்றும் கூட்டுப்புழுக்களை அழிக்கவும் தங்கள் முயற்சிகளைத் தீவிரப்படுத்துமாறு சுகாதார அதிகாரிகள் பொதுமக்களை வலியுறுத்துகின்றனர்.  

சிங்கள பெண் சம்பாவின் செம்மணி திகில்!