மொட்டுக் கட்சியிலிருந்து விலகியவர்களை மீண்டும் இணைத்துக்கொள்ளுமாறு எஸ்.பி திஸாநாயக்க வலியுறுத்தல்
சிறிலங்கா பொதுஜன பெரமுனவில் இருந்து விலகிச் சென்றவர்களை மீண்டும் இணைத்துக் கொள்வது அத்தியாவசியமானது என்பதை மகிந்த ராஜபக்சவிடம் பலமுறை வலியுறுத்தியுள்ளேன் என ஆளும் கட்சியின் நாடாளுமன்ற உறுப்பினர் எஸ்.பி திஸாநாயக்க தெரிவித்துள்ளார்.
கொழும்பில் நேற்று (26) இடம்பெற்ற ஊடகவியலாளர் சந்திப்பின் போது மேற்கண்டவாறு குறிப்பிட்ட அவர் இது தொடர்பில் மேலும் தெரிவித்ததாவது,
“முன்னாள் அதிபர் கோட்டாபய ராஜபக்ச அரசியல் ரீதியில் தோல்வி அடைந்து முழு நாட்டையும் பழிகொடுத்தார் என்பதை ஏற்றுக்கொள்ள வேண்டும்.
கோட்டாபய ராஜபக்ச
அப்போதைய அரசாங்கத்தை பலவீனப்படுத்த தேசிய மற்றும் சர்வதேச மட்டத்தில் சூழ்ச்சிகள் முன்னெடுக்கப்பட்ட போது அரச தலைவர் என்ற அடிப்படையில் அதனை கோட்டாபய ராஜபக்ச வெற்றி கொள்ளவில்லை.
தற்போதைய அரசியல் நிலையில் ஐக்கிய மக்கள் சக்தியும், மக்கள் விடுதலை முன்னணியும் முன்னிலையில் உள்ளன.
மக்கள் விடுதலை முன்னணிக்கு மக்கள் மத்தியில் செல்வாக்கு அதிகரித்துள்ளது என்பதை ஏற்றுக்கொள்ள வேண்டும். இருப்பினும் இந்த செல்வாக்கு அதிபர் தேர்தலில் வெற்றி பெறும் அளவுக்கு உயர்வடையாது.
அமைச்சுப் பதவிகளில் இருந்து நீக்கப்பட்டவர்கள்
பொதுஜன பெரமுன தலைமையிலான அரசாங்கத்தின் குறைபாடுகளை விமல் வீரவன்ச, உதய கம்மன்பில ஆகியோர் சுட்டிக்காட்டினார்கள். குறைபாடுகள் திருத்திக் கொள்ளப்படவில்லை. மாறாக இவர்கள் அமைச்சுப் பதவிகளில் இருந்து நீக்கப்பட்டார்கள்.
முன்னாள் அதிபர் மகிந்த ராஜபக்சவுக்கு பலமாக இருந்தவர்கள் பல்வேறு காரணிகளினால் இன்று விலகிச் செயற்படுகிறார்கள்.
இவர்களை மீண்டும் கட்சிக்குள் இணைத்துக் கொள்ள வேண்டும் என கட்சியின் தலைவர் மகிந்த ராஜபக்ச, கட்சியின் தேசிய அமைப்பாளர் பசில் ராஜபக்ச உட்பட கட்சியின் சகல உறுப்பினர்களிடமும் வலியுறுத்தியுள்ளேன் என்றார்.
[GELCBB1
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்.. |
புங்குடுதீவு 10ம் வட்டாரம், சென்னை, India, Toronto, Canada
09 Sep, 2023
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023
