இலங்கையில் இன்று ஜனாதிபதி தேர்தல்! மாலை 9 மணி முதல் தேர்தல் முடிவுகளை அறிவிக்கும் சிறப்பு நேரலை
இலங்கையில் இன்று (21) 10 ஆவது ஜனாதிபதியை தெரிவு செய்வதற்கான 9ஆவது ஜனாதிபதி தேர்தல் நடைபெறவுள்ளது.
இலங்கையில் கடந்த 2022ல் ஜனாதிபதியாக இருந்த கோட்டாபய ராஜபக்ச (Gotabaya Rajapaksa) பதவியை விட்டு விலகியதும் ஜனாதிபதியாக ரணில் விக்ரமசிங்க (Ranil Wickremesinghe) பொறுப்பேற்றுக்கொண்டார்.
இந்நிலையில், ஜனாதிபதி ரணில் விக்ரமசிங்கவின் பதவிக்காலம் வருகின்ற நவம்பர் மாதம் 17ஆம் திகதி முடிவடைகின்றது.
ஜனாதிபதி தேர்தல்
இதையடுத்து புதிய ஜனாதிபதியை தேர்ந்தெடுப்பதற்கான தேர்தல் இன்று நடைபெறவுள்ளது.
கடந்த 18ஆம் திகதியுடன் தேர்தலுக்கான பிரசாரங்கள் முடிவடைந்துள்ளன.
இன்று காலை 7 மணிக்கு வாக்குப்பதிவு ஆரம்பமாகி மாலை 4 மணி வரை வாக்குப்பதிவு நடைபெறவுள்ளது. இதற்காக நாடளாவிய ரீதியில் மொத்தம் 13,400 வாக்குச்சாவடிகள் அமைக்கப்பட்டுள்ளன.
இந்த தேர்தலில் 1 கோடியே 70 இலட்சம் பேர் வாக்களிக்க உள்ளனர்.
மேலும் தேர்தலில் தற்போதைய ஜனாதிபதி ரணில் விக்ரமசிங்க சுயேட்சையாக போட்டியிடுகிறார். இவரை தவிர 38 பேர் வேட்பாளர்கள் களமிறங்கியுள்ளனர்.
இருந்த போதிலும் ரணில் விக்ரமசிங்க, அனுரகுமார திசாநாயக்க (Anura Kumara Dissanayake), சஜித் பிரேமதாச (Sajith Premadasa) ஆகிய மூவரிக்கிடையே மும்முனை போட்டி ஏற்பட்டுள்ளது.
மும்முனை போட்டி
இந்த தேர்தலில் வெற்றி பெறப்போவது யார்? என்ற எதிர்பார்ப்பு ஏற்பட்டுள்ளது.
வாக்குப்பதிவு முடிந்ததும் வாக்குப்பெட்டிகள் வாக்கு எண்ணும் மையங்களுக்கு பாதுகாப்பாக கொண்டு செல்லப்படும்.
உடனடியாக வாக்கு எண்ணிக்கை தொடங்கி முடிவுகள் அறிவிக்கப்பட உள்ளது. தேர்தலின் போது அசம்பாவித சம்பவங்கள் எதுவும் நிகழாமல் இருப்பதற்காகவும், அமைதியான முறையில் வாக்குப்பதிவு நடத்தும் வகையிலும் பலத்த பாதுகாப்பு ஏற்பாடுகள் செய்யப்பட்டுள்ளன.
தேர்தலுக்காக விசேட போக்குவரத்து சேவைகளும் முன்னெடுக்கப்பட்டுள்ளமை குறிப்பிடத்தக்கது.
இன்று மாலை (இலங்கை நேரம்) 9 மணிமுதல் தேர்தல் முடிவுகளை அறிவிக்கும் சிறப்பு நேரலை உங்கள் IBC-தமிழ் இணையத்தளத்தில் ஒளிபரப்பாக இருக்கின்றது.
உடனடி தேர்தல் முடிவுகள், ஆய்வுகள், கருத்துக்கள், செய்திகள், மக்கள் கருத்துக்கள் போன்றவற்றுடன் இலங்கை, இந்தியா, பிரித்தானியா, கனடா, சுவிஸ், பிரான்ஸ் கலையங்களில் இருந்து ஒளிபரப்பாகும் அந்த சிறப்பு நேரலையோடு நீங்களும் இணைந்திருங்கள்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
நல்லூர் கந்தசுவாமி கோவில் | Day 25
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
மானிப்பாய், திருநெல்வேலி, யாழ் அச்சுவேலி தோப்பு, Jaffna, India, கொழும்பு, Montreal, Canada
02 Sep, 2024
புங்குடுதீவு, புங்குடுதீவு 10ம் வட்டாரம், யாழ்ப்பாணம், Wembley, United Kingdom
10 Sep, 2023
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023