அதிகரிக்கும் வருமானம் : இலங்கைக்கு வந்து குவியும் சுற்றுலாப் பயணிகள்
இந்த ஆண்டு இதுவரை இலங்கைக்கு வருகை தந்த வெளிநாட்டு சுற்றுலாப் பயணிகளின் எண்ணிக்கை 18 இலட்சத்தைக் கடந்துள்ளதாக இலங்கை சுற்றுலா அபிவிருத்தி அதிகார சபை (SLTDA) தெரிவித்துள்ளது.
கடந்த ஒக்டோபர் 15 ஆம் திகதி வரையான சுற்றுலாப் பயணிகள் தொடர்பான புதிய புள்ளிவிபரங்களை வெளியிட்டு இந்த விடயத்தினை உறுதிப்படுத்தியுள்ளது.
அந்த புள்ளிவிபரங்களின்படி, இந்த மாதத்தின் முதல் 15 நாட்களில் மட்டும் 75,657 சுற்றுலாப் பயணிகள் இலங்கைக்கு வருகை தந்துள்ளனர்.
இந்தியாவிலிருந்து வந்த சுற்றுலாப் பயணிகள்
அதனுடன் இதுவரை இலங்கைக்கு வருகை தந்த மொத்த சுற்றுலாப் பயணிகளின் எண்ணிக்கை 1,801,151 ஆக உயர்ந்துள்ளது.
நாட்டுக்கு வருகை தந்த சுற்றுலாப் பயணிகளில் அதிக எண்ணிக்கையானோர் இந்தியாவிலிருந்து வந்தவர்கள் ஆவர். அந்த எண்ணிக்கை 4 இலட்சம் எல்லையை நெருங்கியுள்ளது. இதுவரை இந்தியாவிலிருந்து வருகை தந்த சுற்றுலாப் பயணிகளின் எண்ணிக்கை 396,274 ஆகும்.
அத்துடன், ஐக்கிய இராச்சியத்தில் இருந்து167,886 பேரும், ரஷ்யாவிலிருந்து 125,950 பேரும், ஜேர்மனியிலிருந்து111,677 பேரும் மற்றும் சீனாவிலிருந்து108,040பேரும் என குறித்த நாடுகளிலிருந்து ஒரு இலட்சத்திற்கும் அதிகமான சுற்றுலாப் பயணிகள் வருகை தந்துள்ளனர்.
அதுமட்டுமின்றி, பிரான்ஸிலிருந்து 90,250 பேரும், அவுஸ்திரேலியாவிலிருந்து 81,040 பேரும், நெதர்லாந்திலிருந்து 53,922 பேரும் மற்றும் அமெரிக்காவிலிருந்து 50,027 பேரும் என குறித்த நாடுகளிலிருந்து ஐம்பதாயிரத்திற்கும் அதிகமான சுற்றுலாப் பயணிகள் இந்த ஆண்டு இலங்கைக்கு வருகை தந்துள்ளனர்.
20 இலட்சத்தைக் கடந்த சுற்றுலாப் பயணிகள்
இத்தாலியிலிருந்து 39,932 பேரும், கனடாவிலிருந்து 37,606 பேரும், ஸ்பெயினிலிருந்து 36,430 பேரும், போலந்திலிருந்து 36,389 பேரும் என குறித்த நாடுகளிலிருந்தும் குறிப்பிடத்தக்க எண்ணிக்கையிலான சுற்றுலாப் பயணிகள் நாட்டிற்கு வருகை தந்துள்ளனர்.
கடந்த ஆண்டு 2,053,465 சுற்றுலாப் பயணிகள் நாட்டிற்கு வருகை தந்தனர். இலங்கைக்கு இறுதியாக அதிகளவான சுற்றுலாப் பயணிகள் வருகை தந்த ஆண்டு 2018 ஆகும். அப்போது 2,333,796 அதிகமான சுற்றுலாப் பயணிகள் வருகை தந்திருந்தனர்.
இலங்கையின் வருடாந்த சுற்றுலாப் பயணிகள் வருகை 4 சந்தர்ப்பங்களில் 20 இலட்சம் எல்லையை கடந்துள்ளது. அதாவது 2016, 2017, 2018 மற்றும் 2024 ஆகிய ஆண்டுகளில் அந்த எண்ணிக்கை பதிவாகியுள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நயினாதீவு 5ம் வட்டாரம், நயினாதீவு, நுவரெலியா, வவுனியா, Mississauga, Canada
09 Jan, 2026
கோப்பாய், Hong Kong, China, Rugby, United Kingdom, Ealing, United Kingdom
13 Jan, 2026
நயினாதீவு, நாரந்தனை, வேலணை, கரம்பொன், Toronto, Canada
12 Jan, 2026
