தமிழர் பகுதியில் இளம் குடும்பஸ்தர் சடலமாக மீட்பு
வவுனியா - சிதம்பரபுரம் பகுதியில் இளம் குடும்பஸ்தர் ஒருவர் சடலமாக மீட்கப்பட்டுள்ளதாக சிதம்பரபுரம் காவல்துறையினர் தெரிவித்துள்ளனர்.
வவுனியா - சிதம்பரபுரம், கற்குளம் பகுதியில் உள்ள வீடு ஒன்றில் தூக்கில் தொங்கிய நிலையில் இளம் குடும்பஸ்தர் காணப்பட்டதை அவதானித்த உறவினர்கள் வழங்கிய தகவலையடுத்து சம்பவ இடத்திற்கு சென்ற காவல்துறையினர் குறித்த குடும்பஸ்தரின் சடலத்தை மீட்டுள்ளனர்.
உயிரிழந்த நபர் தனது பிள்ளையின் தொட்டிலில் கட்டப்பட்ட சேலையில் தூக்கிட்டு தொங்கியிருந்த நிலையிலேயே மீட்கப்பட்டுள்ளார்.
மேலதிக விசாரணை
இந்நிலையில் சடலமாக மீட்கப்பட்டவர், அப் பகுதியைச் சேர்ந்த ஒரு பிள்ளையின் தந்தையான 39 வயதுடைய கதிரேவேலு சஞ்சீவகாந்தி என்பவராவார்.
சம்பவம் தொடர்பான மேலதிக விசாரணைகளை சிதம்பரபுரம் காவல்துறையினர் மேற்கொண்டு வருகின்றனர்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
