சுரேஷ் சலேவுக்கு நீதிமன்றம் பிறப்பித்த உத்தரவு

CID - Sri Lanka Police Sri Lankan Peoples Suresh Salley

By Dhilak May 20, 2026 12:06 PM GMT

Dhilak

Report

பயங்கரவாதத் தடுப்புச் சட்டத்தின் கீழ் குற்றப்புலனாய்வுத் திணைக்களத்தின் (CID) காவலில் வைக்கப்பட்டுள்ள அரச புலனாய்வுச் சேவையின் முன்னாள் பணிப்பாளர் சுரேஷ் சலே தொடர்பான வழக்கை எதிர்வரும் ஜூலை மாதம் 1 ஆம் திகதி மீண்டும் அழைக்குமாறு கொழும்பு கோட்டை நீதவான் நீதிமன்றம் உத்தரவிட்டுள்ளது.

அதுவரை அவரைத் தொடர்ந்து விளக்கமறியலில் வைத்திருக்குமாறும், அன்றைய தினம் நீதிமன்றத்தில் முன்னிலைப்படுத்துவதற்கு நடவடிக்கை எடுக்குமாறும் கொழும்பு கோட்டை நீதவான் பசன் அமரசேன உத்தரவிட்டுள்ளார்.

உயிர்த்த ஞாயிறு பயங்கரவாதத் தாக்குதல் சம்பவங்கள் தொடர்பான விசாரணைகளுக்கு அமைவாக, கடந்த பிப்ரவரி மாதம் குற்றப்புலனாய்வுத் திணைக்களத்தினரால் சுரேஷ் சலே கைது செய்யப்பட்டார்.

விசாரணை

இதனைத் தொடர்ந்து பயங்கரவாதத் தடுப்புச் சட்டத்தின் கீழ் அவர் தடுத்து வைக்கப்பட்டு விசாரணைக்கு உட்படுத்தப்பட்டு வருகிறார்.

சுரேஷ் சலேவுக்கு நீதிமன்றம் பிறப்பித்த உத்தரவு | Suresh Salley S Remand Extended

இந்த நிலையில், பலத்த பாதுகாப்பு ஏற்பாடுகளுக்கு மத்தியில் குற்றப்புலனாய்வுத் திணைக்கள அதிகாரிகளால் சுரேஷ் சலே இன்று (20) நீதிமன்றத்தில் முற்படுத்தப்பட்ட போதே இந்த உத்தரவு பிறப்பிக்கப்பட்டுள்ளது.