தமிழர் விடுதலைக் கூட்டணியின் பொதுச்சபைக் கூட்டம் : நீதிமன்றம் வழங்கிய அறிவுரை
தமிழர் விடுதலைக் கூட்டணியின் (TULF) ஒரு தரப்பினர் மீது நீதிமன்ற அவமதிப்பு தொடர்பான விண்ணப்பத்தினை செய்யுமாறு நீதிமன்றம் அறிவுரை வழங்கியதாக அந்தக் கூட்டணி மீது வழக்கு தொடர்ந்த மனுதாரர் சார்பில் முன்னிலையான சட்டத்தரணி கனகசபை ரவீந்திரன் தெரிவித்துள்ளார்.
இது குறித்து அவர் மேலும் தெரிவிக்கையில், “கடந்த மார்ச் மாதம் 16ஆம் திகதி இடம்பெற்ற தமிழர் விடுதலைக் கூட்டணியின் பொதுச்சபைக் கூட்டம் சட்ட ரீதியற்றது என தெரிவித்து தமிழர் விடுதலைக் கூட்டணியின் மத்திய குழு உறுப்பினர்களான சுதாகரன் மற்றும் சூ.சூரியபிரபாவினால் வழக்கு தாக்கல் செய்யப்பட்டது.
இந்த நிலையில் இன்றைய தினம் (28.01.2025) இந்த வழக்கானது வவுனியா மாவட்ட நீதிமன்றத்தில் விசாரணைக்கு எடுத்துக்கொள்ளப்பட்டிருந்தது.
நீதிமன்றத்தால் வழங்கப்பட்ட கட்டளை
கடந்த முறை எதிர்த்தரப்பினராகிய வீ.ஆனந்தசங்கரி (V. Anandasangaree) உட்பட ஏனையோர் சார்பாக முன்னிலையாகிய சட்டத்தரணி வழக்காளிகளால் கோரப்பட்ட நிவாரணங்களை வழங்குவதில் தங்களுக்கு எவ்விதமான ஆட்சேபனைகளும் இல்லை என்று தெரிவித்திருந்ததுடன் இவ்வழக்கை சமாதானமாக தீர்த்துக்கொள்ள வேறு ஒரு தினத்தையும் கேட்டிருந்தனர்.
மேலும் சமாதனத்திற்காக இன்றைய நாளினை கோரியிருந்தாலும் கூட, சமாதானத்திற்கு முன்னரான தினமே இன்னுமொரு சட்டவிரோத கூட்டத்தினை கூட்டி அதில் சில தீர்மானங்களை எடுத்ததுடன் சில உறுப்பினர்களையும் கட்சியில் சேர்த்திருந்தனர்.
குறித்த நடவடிக்கையும் சட்டவிரோதமானது. ஏனெனில் நீதிமன்றத்தால் தடைக்கால கட்டளை வழங்கப்பட்டிருந்த போதும் அதனை மீறி தமிழர் விடுதலைக்கூட்டணியின் எதிராளிகளினால் குறித்த கூட்டம் நடாத்தப்பட்டிருந்தது.
மனுதாரர்கள் சார்பில் முன்னிலையானோர்
குறித்த கூட்டத்திலும் எடுக்கப்பட்ட தீர்மானங்களும் சட்டவிரோதமானது எனக்கோரி அதனையும் இரத்துச்செய்யக்கோரி நீதிமன்றத்தில் கேட்டிருந்தோம்.
நீதிமன்றமானது ஏற்கனவே வழங்கப்பட்ட தடைக்கால கட்டளைக்கு எதிரான வகையில் தமிழர் விடுதலைக் கூட்டணியின் உறுப்பினர்கள் செயற்பட்டமையால் குறித்த கட்சியின் பொதுச்சபை கூட்டமானது, சட்டரீதியற்றது என்றும், இங்கே நீதிமன்றம் வழங்கிய கட்டளைக்கு முரணாக இவர்கள் செயற்பட்டிருப்பதால் நீதிமன்ற அவமதிப்பு தொடர்பான ஒரு விண்ணப்பத்தினை செய்யுமாறு நீதிமன்றம் எங்களுக்கு அறிவுரை வழங்கி இருக்கின்றது.
இந்த நிலையில் மீண்டும் இவ்வழக்கானது விசாரணைக்காக ஏப்ரல் 30ம் திகதிக்கு தவனையிடப்பட்டுள்ளது.
இதேவேளை தமிழர் விடுதலைக்கூட்டணியின் உறுப்பினர்களான மனுதாரர்கள் சார்பாக சட்டத்தரணி கனகசபை ரவீந்திரன் மற்றும் கீர்த்தனன் ரவீந்திரநாதன் முன்னிலையாகி இருந்தமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
தசாப்தம் கடந்த தமிழரசுக் கட்சியின் தலைவர்... சரிந்தது மாவை எனும் விருட்சம் 48 நிமிடங்கள் முன்
மட்டுநிலத்தை ஆக்கிரமிக்க நடந்த கொக்கட்டிச்சோலைப் படுகொலை…!
23 மணி நேரம் முன்
உலகில் மறுக்கப்பட்ட அநீதி... பெரும் இனவழிப்பு நினைவுநாள்…!
2 நாட்கள் முன்
வேலணை, Ottawa, Canada, Torcy, France, Val-d'Arc, France
30 Jan, 2022
இளவாலை, யாழ்ப்பாணம், Tororo, Uganda, Cambridge, United Kingdom, London, United Kingdom
17 Jan, 2025
சுதுமலை, மருதனாமடம், வவுனியா, கொழும்பு, Harrow, United Kingdom, Coventry, United Kingdom
22 Jan, 2025
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
நயினாதீவு, நெதர்லாந்து, Netherlands, பிரித்தானியா, United Kingdom
25 Jan, 2021
