மன்னார் ஆட்காட்டிவெளி மாவீரர் துயிலும் இல்லத்தில் நினைவேந்தலுக்கு நீதிமன்றம் அனுமதி
மன்னார் - மாந்தை மேற்கு பிரதேச செயலாளர் பிரிவில் அமைந்துள்ள ஆட்காட்டிவெளி மாவீரர் துயிலும் இல்லத்தில் நினைவேந்தல் நிகழ்வுகளுக்கு இன்று (25) மன்னார் நீதிமன்றம் அனுமதி வழங்கியுள்ளதாக தெரிவிக்கப்படுகின்றது.
ஆட்காட்டிவெளி மாவீரர் துயிலும் இல்லத்தில் 26 மற்றும் 27 ஆம் திகதிகளில் இடம்பெறவுள்ள உயிர் நீத்தவர்களுக்கான நினைவேந்தலுக்கு எதிராக குற்றவியல் நடைமுறைக்கோவை 106 ஆம் பிரிவின் கீழ் தடை உத்தரவைப் பிறப்பிக்குமாறு அடம்பன் காவல்துறையினர் இன்று (25) மன்னார் நீதிமன்றத்தில் கோரி இருந்தனர்.
குறித்த வழக்கு இன்று(25) மன்னார் நீதிமன்றத்தில் பதில் நீதவான் இ.கயஸ்பெல்டானோ முன்னிலையில் இடம்பெற்றதுடன் இந்த வழக்கில் சுமார் 20 தனி நபர்களுடைய பெயர்கள் குறிப்பிடப்பட்டிருந்தது.
நினைவுகூர நீதிமன்றம் அனுமதி
இலங்கை தமிழரசுக் கட்சியின் தலைவர் மாவை சேனாதிராஜா உள்ளிட்ட 20 பேருடைய பெயர்கள் குறிப்பிட்டு 21 வது நபர்களாக ஏனைய பொது மக்கள் என பெயர்கள் குறிப்பிடப்பட்டு குறித்த கட்டளையினை கோரி இருந்தனர்.
இதன்போது குறித்த நினைவேந்தலை அமைதியான முறையிலும், அமைதிக்கு பங்கம் ஏற்படாத வகையிலும் நினைவு கூர மன்னார் நீதிமன்றம் அனுமதி வழங்கியுள்ளது.
குறித்த நினைவேந்தல் நிகழ்வுகளில் விடுதலைப் புலிகளுக்குச் சொந்தமான இலச்சினைகள், மற்றும் கொடிகளைப் பயன்படுத்தாது, அமைதியான முறையில் நினைவு கூர நீதிமன்றம் அனுமதி வழங்கியுள்ளது. என சட்டத்தரணி எஸ்.டினேசன் தெரிவித்தார்.
இதேவேளை முருங்கன் காவல்துறையினரால் 4 நபர்களுக்கு எதிராகவும், மடு காவல்துறையினர் 2 நபர்களுக்கு எதிராகவும் தடை உத்தரவு கோரியிருந்தமையும் குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
