பணிப்பெண்ணால் வீட்டு உரிமையாளருக்கு நடந்த விபரீதம் - பணம் உள்ளிட்ட தங்க ஆபரணங்கள் கொள்ளை
வெல்லம்பிட்டி லான்சியா வத்த பகுதியில் வீடொன்றை வைத்திருந்த பெண்ணை முகம் மற்றும் மூக்கை மறைத்த தலையணையால் மூச்சுத்திணறி கொன்று 50 இலட்சம் ரூபா பெறுமதியான தங்கம் மற்றும் பணத்துடன் தப்பிச் சென்ற பணிப்பெண் மற்றும் அவரது முறைகேடான கணவரும் கைது செய்யப்பட்டதாக மேல்மாகாண தெற்கு மாவட்ட குற்றப்பிரிவு தெரிவித்துள்ளது.
கைது செய்யப்பட்ட சந்தேக நபர் 29 வயதுடைய ஐந்து மாத கர்ப்பிணி பெண் எனவும், மற்றையவர் குறித்த பெண்ணின் மைத்துனர் எனவும் காவல்துறையினர் தெரிவித்தனர்.
விசாரணை
கடந்த 15ஆம் திகதி படுகொலை செய்யப்பட்ட 60 வயதுடைய மொஹமட் ஜெகிர் பாத்திமா நசீர் என்பவர் கடந்த 6 மாதங்களுக்கு முன்னர் லான்சியா வத்த பிரதேசத்தில் உள்ள மூன்று மாடி வீடொன்றின் கீழ் தளத்தை எடுத்து தனது இரண்டு சிறிய பேரக்குழந்தைகளுடன் குடியேறியுள்ளார்.
குறித்த பெண் பணி நிமித்தம் வீட்டிற்கு வந்துள்ளதாக காவல்துறை விசாரணைகளின் போது தெரியவந்துள்ளது.
சந்தேகநபர்கள் இருவரும் அலுமாரியில் இருந்த இரண்டு தங்க நெக்லஸ்கள், ஆறு வளையல்கள், ஏழு மோதிரங்கள், வெளிநாட்டைச் சேர்ந்த நாணயங்கள், இலங்கை நாணயத்தில் சுமார் இரண்டு இலட்சம் ரூபா, பெண்ணின் ஆடைகள், பெண்ணின் மகளின் ஆடைகள் ஆகியவற்றை எடுத்துக்கொண்டு ஒரு மணியளவில் வீட்டை விட்டு வெளியேறியுள்ளனர்.
நீதிமன்றில் முன்னிலை
கைது செய்யப்பட்ட போது குறித்த பெண் கைப்பையில் இருந்த ஒரு மோதிரம் தவிர்ந்த ஏனையவை காவல்துறையால் கைப்பற்றப்பட்டுள்ளன.
குறித்த இருவரும் கடந்த நான்கு நாட்களாக மாத்தறை அம்பலாந்தோட்டை முதலான உல்லாச விடுதிகளில் தங்கியிருந்தமையும் காவல்துறை விசாரணையில் தெரியவந்துள்ளது.
கைது செய்யப்பட்ட சந்தேகநபர்கள் இருவரும் 24 மற்றும் 28 வயதுடையவர்கள் எனவும்,இவர்கள் இருவரையும் புதுக்கடை நீதிமன்றில் முன்னிலை படுத்த உள்ளதாகவும் தெரிவிக்கப்பட்டுள்ளது.
துன்னாலை தெற்கு, ஜேர்மனி, Germany, நெதர்லாந்து, Netherlands, கனடா, Canada
16 May, 2021
