அதிகரிக்கும் ட்ரம்ப் மற்றும் போப் லியோவுக்குமான முறுகல்!

அமெரிக்க ஜனாதிபதி டொனால்ட் ட்ரம்பிற்கும், போப் லியோ XIV-க்கும் இடையேயான முரண்பாடுகள் தீவிரமடைந்துள்ளன.

ஈரானுடனான போர் மற்றும் வெளியுறவுக் கொள்கைகளில் போப்பின் நிலைப்பாட்டை ட்ரம்ப் கடுமையாகச் சாடியுள்ளார்.

ஞாயிற்றுக்கிழமை மாலை செய்தியாளர்களிடம் பேசிய அவர்,  "எனக்கு போப் லியோவைப் பிடிக்கவில்லை. அவர் வெளியுறவுக் கொள்கையில் மிகவும் மோசமானவர். உலகம் முழுவதையும் அழிக்க நினைக்கும் ஒரு நாடு அணு ஆயுதங்களை வைத்திருப்பதை அவர் ஆதரிப்பது போலப் பேசுகிறார். அமெரிக்காவை விமர்சிக்கும் ஒரு போப் நமக்குத் தேவையில்லை." என்றார்.

முற்றுகையை உடைத்த ஈரானிய கப்பல்கள்...! மீண்டும் ஈரானைத் தாக்க தயாராகும் ட்ரம்ப்

மோதலுக்கான பின்னணி

மேலும், போப் லியோ தகுதியின் அடிப்படையில் தேர்ந்தெடுக்கப்படவில்லை என்றும், அமெரிக்க ஜனாதிபதியான தன்னை சமாளிப்பதற்காகவே ஒரு அமெரிக்கரை வத்திக்கான் போப் ஆக்கியது என்றும் ட்ரம்ப் சர்ச்சைக்குரிய கருத்தை முன்வைத்தார்.

அமெரிக்கா மற்றும் இஸ்ரேல் ஆகிய நாடுகள் ஈரானுடன் மேற்கொண்டுள்ள போர் நடவடிக்கைகளை போப் லியோ தொடர்ந்து விமர்சித்து வருவதுடன், ஈரானுக்கு எதிராக ட்ரம்ப் விடுத்த மிரட்டல்கள் "ஏற்றுக்கொள்ள முடியாதவை" என்றும் கண்டித்திருந்தார்.

அமெரிக்காவின் பாதுகாப்புத்துறை செயலர் பீட் ஹெக்செத் இந்தப் போரை "கடவுளின் விருப்பம்" என்று சித்தரித்தபோது, "இயேசு அமைதியின் அரசர்; போரை நியாயப்படுத்த அவரைப் பயன்படுத்த முடியாது" என்று போப் பதிலடி கொடுத்திருந்தார்.

வத்திக்கான் பதில்

இவ்வாறானதொரு பின்னணியில், போப் லியோ மீதான ட்ரம்ப்பின் விமர்சனங்களுக்கு வத்திக்கான் அதிகாரி தந்தை அந்தோனியோ ஸ்படாரோ எக்ஸ் (X) தளத்தில் பதில் அளித்துள்ளார். 

Donald J. #Trump targets #PopeLeo XIV—and in doing so, reveals a deeper unease. When political power turns against a moral voice, it is often because it cannot contain it. Trump does not argue with Leo; he implores him to return to a language he can control. But the Pope speaks… pic.twitter.com/X7kesOFAiY

— Antonio Spadaro (@antoniospadaro) April 13, 2026

அதில், "ட்ரம்ப் ஒரு தார்மீகக் குரலை ஒடுக்க நினைக்கிறார். போப் லியோ பேசும் அமைதி மற்றும் மனிதாபிமான மொழியை ட்ரம்பால் கட்டுப்படுத்த முடியவில்லை. அதனால்தான் அவர் போப்பைத் தனிப்பட்ட முறையில் தாக்குகிறார்" என்று சுட்டிக்காட்டியுள்ளார்.

இந்த நிலையில், வரலாற்றிலேயே முதன்முறையாக ஒரு அமெரிக்கர் போப் பதவியில் இருக்கும் சூழலில், சொந்த நாட்டு ஜனாதிபதியுடனேயே அவர் கொண்டுள்ள இந்த மோதல் சர்வதேச அளவில் பெரும் கவனத்தை ஈர்த்துள்ளமை குறிப்பிடத்தக்கது.

பேச்சுவார்த்தை தோல்வி : ஈரானிய துறைமுகங்களை முற்றுகையிடும் அமெரிக்கா

ஹோர்முஸை நெருங்கும் இராணுவக் கப்பல்கள் தாக்கப்படும்! IRGC எச்சரிக்கை