தொடரும் சீரற்ற வானிலை: மக்களுக்கு வெளியான எச்சரிக்கை

Sri Lankan Peoples Department of Meteorology Climate Change Weather

By Dilakshan May 05, 2024 12:45 AM GMT

Dilakshan

in இயற்கை

Report

மேல் மற்றும் சப்ரகமுவ மாகாணங்களிலும் காலி மற்றும் மாத்தறை மாவட்டங்களிலும் சில இடங்களில் மாலை அல்லது இரவில் மழை அல்லது இடியுடன் கூடிய மழை பெய்யக்கூடுமென வளிமண்டலவியல் திணைக்களம்(Department of Meteorology) எதிர்வு கூறியுள்ளது.

மத்திய மற்றும் சப்ரகமுவ மாகாணங்களில் சில இடங்களில் காலை வேளையில் பனிமூட்டமான நிலை எதிர்பார்க்கப்படலாம் என்றும் திணைக்களம் தெரிவித்துள்ளது.

இந்நிலையில், இடியுடன் கூடிய மழையின் போது தற்காலிகமாக பலத்த காற்று மற்றும் மின்னல் தாக்கங்களினால் ஏற்படக்கூடிய பாதிப்புகளை குறைத்துக்கொள்ள போதுமான முன்னெச்சரிக்கை நடவடிக்கைகளை மேற்கொள்ளுமாறு மக்கள் கேட்டுக் கொள்ளப்படுகிறார்கள்.

அதிக வெப்பம்

அத்தோடு, நாட்டின் சில பகுதிகளில் இன்று(5) வெப்பமான காலநிலை நிலவும் சாத்தியம் காணப்படுவதாக வளிமண்டலவியல் திணைக்களம் அறிவித்துள்ளது.

தொடரும் சீரற்ற வானிலை: மக்களுக்கு வெளியான எச்சரிக்கை | Unsettled Weather To Continue Today S Weather

அதன்படி, வடமத்திய, வடமேல் மற்றும் கிழக்கு மாகாணங்களிலும் மொனராகலை மாவட்டத்திலும் சில இடங்களில் வெப்பச் சுட்டெண், அதாவது மனித உடலால் உணரப்படும் வெப்பம் அதிக அவதானம் செலுத்தப்பட வேண்டிய மட்டத்திற்கு காணப்படக்கூடும் என தெரிவிக்கப்படுகிறது.

இதனால் அதிகளவான நீரை அருந்துதல், நிழலான இடங்களில் இயன்றவரை ஓய்வெடுத்தல், வெளியில் நடமாடுவதைக் கட்டுப்படுத்துதல் போன்ற சுகாதார அறிவுறுத்தல்களைப் பின்பற்ற வேண்டும் என மக்கள் அறிவுறுத்தப்படுகின்றனர்.