புதிய விசா விதிமுறைகளை அறிவித்தது அமெரிக்கா...!
புதிய விசா விதிமுறைகளை அமெரிக்கா அறிவித்துள்ளதாக அந்நாட்டு ஊடகங்கள் செய்தி வெளியிட்டுள்ளன.
இதனடிப்படையில் வெளிநாட்டு மாணவர்கள், பரிமாற்ற வருகையாளர்கள் மற்றும் ஊடகவியலாளர்கள் தங்கியிருப்பதற்கான நிலையான கால அவகாசங்களை விதிக்கும் புதிய விசா விதிமுறைகள் நடைமுறைப்படுத்தப்பட்டுள்ளன.
இதன் மூலம் தற்போது நடைமுறையிலுள்ள நிலைக்கால அளவு (Duration of status) முறைமை மாற்றியமைக்கப்படவுள்ளது.
உள்நாட்டுப் பாதுகாப்பு
அமெரிக்க உள்நாட்டுப் பாதுகாப்புத் திணைக்களம் (DHS) இது குறித்த அறிவிப்பை வெளியிட்டுள்ளது.
குறித்த அறிவிப்பின்படி, சர்வதேச மாணவர்களுக்கான F விசாக்கள், பரிமாற்ற வருகையாளர்களுக்கான J விசாக்கள் மற்றும் வெளிநாட்டு ஊடகவியலாளர்களுக்கான I விசாக்கள் இனி ஒரு கல்வித் திட்டம் அல்லது வேலைவாய்ப்பு காலம் முழுவதும் செல்லுபடியாகாது.
அதற்குப் பதிலாக பெரும்பாலான மாணவர்கள் மற்றும் பரிமாற்ற வருகையாளர் விசாக்கள் அதிகபட்சமாக நான்கு ஆண்டுகள் வரை தங்குவதற்கு அனுமதிக்கும்.
அதே சமயம் வெளிநாட்டு ஊடகவியலாளர்கள் பொதுவாக 240 நாட்கள் வரை தங்குவதற்கு அனுமதிக்கப்படுவார்கள்.
ஊடகவியலாளர் விசா வைத்திருக்கும் சீனப் பிரஜைகளுக்கு இக்காலம் 90 நாட்களாகக் குறைக்கப்படும்.
சட்டவிரோத குடியேற்றங்கள்
அனுமதிக்கப்பட்ட காலத்தைத் தாண்டியும் அமெரிக்காவில் தங்கியிருக்க விரும்பும் விசா வைத்திருப்பவர்கள், உள்நாட்டுப் பாதுகாப்புத் திணைக்களத்திடம் (DHS) கால நீடிப்புக்கு விண்ணப்பிக்க வேண்டும் அல்லது நாட்டை விட்டு வெளியேறி மீண்டும் நாட்டிற்குள் நுழைவதற்கான அனுமதியைப் பெற வேண்டும்.
இந்த விதியானது காங்கிரஸின் (நாடாளுமன்றம்) மறுஆய்வுக்கு உட்பட்டு ஃபெடரல் பதிவேட்டில் (Federal Register) வெளியிடப்பட்ட 60 நாட்களுக்குப் பிறகு நடைமுறைக்கு வர அட்டவணைப்படுத்தப்பட்டுள்ளது.
அமெரிக்காவிற்குள் நுழையும் மாணவர்கள், பரிமாற்ற வருகையாளர்கள் மற்றும் வெளிநாட்டு ஊடகவியலாளர்களின் எண்ணிக்கை கணிசமாக அதிகரித்துள்ள நிலையில், குடியேற்றமற்ற விசா வைத்திருப்பவர்கள் மீதான கண்காணிப்பை மேம்படுத்துவதே இந்த மாற்றங்களின் நோக்கம் என்று உள்நாட்டுப் பாதுகாப்புத் திணைக்களம் தெரிவித்துள்ளது.
2025 ஜனவரியில் ஜனாதிபதி டொனால்ட் ட்ரம்ப் மீண்டும் பதவியேற்றது முதல், சட்டப்பூர்வ மற்றும் சட்டவிரோத குடியேற்றங்கள் ஆகிய இரண்டின் மீதும் கடுமையான கட்டுப்பாடுகளை அறிமுகப்படுத்தி வரும் நிலையில், நிர்வாகத்தின் பரந்த குடியேற்றக் கொள்கையின் ஒரு பகுதியாகவே இந்நடவடிக்கை எடுக்கப்பட்டுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
Sea Port Estate, Malaysia, Petaling Jaya, Malaysia, Montreal, Canada, Scarborough, Canada, Oakville, Canada
11 Sep, 2026
புங்குடுதீவு 6ம் வட்டாரம், புங்குடுதீவு, கிளிநொச்சி, கொழும்பு, Crawley, United Kingdom
15 Aug, 2026
சரசாலை வடக்கு, சுவிஸ், Switzerland, England, United Kingdom
14 Sep, 2020
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026
நெடுந்தீவு மேற்கு, யோகபுரம், Paris, France, Tergnier, France, Chelmsford, United Kingdom
16 Aug, 2026
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
