பிரான்சின் புலம்பெயர்ந்தோர் கொள்கைகளுக்கு எதிராக அமெரிக்கா கண்டனம்
பிரான்சில் உள்ள கடற்கரை பகுதிகளை புலம்பெயர்ந்தோர் ஆக்கிரமிப்பதற்கு அனுமதித்தமை குறித்து அமெரிக்கா கடும் விமர்சனங்களை முன்வைத்துள்ளது.
பிரான்சில் நடைபெற்ற டி-டே ஆண்டுவிழா உரையின்போது, அமெரிக்க பாதுகாப்புச் செயலர் பீட் ஹெக்ஸெத் மேற்படி விடயத்தை கூறியுள்ளார்.
1944-ல் நேசப்படைகள் பிரான்ஸ் கடற்கரைகளில் படையெடுத்து, நாஜி ஆக்கிரமிப்பில் இருந்த வடமேற்கு ஐரோப்பாவை விடுவித்த 82 ஆண்டுகளுக்குப் பிறகு, ஹெக்ஸெத் இந்த குற்றச்சாட்டை முன்வைத்துள்ளதாக சர்வதேச ஊடகங்கள் செய்தி வெளியிட்டுள்ளன.
ஆக்கிரமிப்பு குறித்த தலைநகரங்கள்
வருந்தத்தக்க வகையில், இன்று, பல்வேறு ஐரோப்பியக் கடற்கரைகள் வெவ்வேறு அபாயகரமான சித்தாந்தங்களால் முற்றுகையிடப்படுகின்றன, என்று ஹெக்ஸெத் தனது கருத்துக்களில் சுட்டிக்காட்டியுள்ளார்.
“ஸ்பெயின், இத்தாலி, கிரீஸ் மற்றும் பல்கேரியாவில் உள்ள கடற்கரைகளில் படகுகளும் மனிதர்களும் வந்து சேர்கிறார்கள்.
இந்த ஆக்கிரமிப்பு குறித்து ஐரோப்பியத் தலைநகரங்கள் எப்போது நடவடிக்கை எடுக்கும்?
சமீபத்திய ஆண்டுகளில் ஐரோப்பா முழுவதும் குடியேற்றம் ஒரு முக்கிய அரசியல் பிரச்சினையாக உருவெடுத்துள்ளது.
கடுமையான குடியேற்றக் கொள்கை
மேலும் கடுமையான குடியேற்றக் கொள்கைகளை ஆதரிக்கும் கட்சிகளின் செல்வாக்கு கருத்துக் கணிப்புகளில் அதிகரித்து வருகிறது” என கூறியுள்ளார்.
ஐரோப்பிய கண்டத்திற்குள் கடல் வழியாக வந்தவர்களின் எண்ணிக்கை 2015-ல் உச்சத்தை அடைந்தது.
அப்போது, ஒரு மில்லியனுக்கும் அதிகமான மக்கள் மத்தியதரைக் கடலைக் கடந்ததாக ஐ.நா. தெரிவித்தது.
ஏப்ரல் 2025 முதல் மார்ச் 2026 வரை, இங்கிலாந்து, கிரீஸ், இத்தாலி, ஸ்பெயின் மற்றும் சைப்ரஸ் ஆகிய நாடுகளுக்கு மொத்தம் 169,341 பேர் கடல் வழியாக வந்துள்ளனர். இதில், இங்கிலாந்திற்கான பயணங்கள் மொத்தத்தில் சுமார் 23% ஆகும்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
