வார இறுதியில் ஈரான் மீது அமெரிக்கா பாரிய இராணுவத் தாக்குதல்: விடுக்கப்பட்டுள்ள எச்சரிக்கை
வரும் வார இறுதியில் ஈரான் மீது அமெரிக்கா இராணுவத் தாக்குதலை நடத்துவதற்கான சாத்தியக்கூறுகள் நிச்சயமாக உள்ளன என எச்சரிக்கப்பட்டுள்ளது.
துருக்கிக்கான அமெரிக்கத் தூதரும், சிரியா மற்றும் ஈராக்கிற்கான அமெரிக்க சிறப்புத் தூதருமான டாம் பராக் (Tom Barrack) இந்த எச்சரிக்கையை விடுத்துள்ளார்.
சர்வதேச ஊடகமொன்றிற்கு கருத்து தெரிவிக்கும் போதே அவர் இதனை தெரிவித்துள்ளார்.
இராணுவ மோதல்கள்
இது தொடர்பில் மேலும் தெரிவித்த அவர், இந்த வார இறுதியில் ஈரான் மீது தாக்குதல் நடத்தப்பட வாய்ப்புள்ளதா என அவரிடம் கேட்கப்பட்ட கேள்விக்கு நிச்சயமாக வாய்ப்புள்ளது என டாம் பராக் மிக நேரடியாகப் பதிலளித்துள்ளார்.
ஜனாதிபதி டொனால்ட் ட்ரம்ப் தற்போதும் ஈரானுடன் ராஜதந்திர ரீதியிலான உடன்பாட்டை எட்டத் தயாராகவும், அணுகக்கூடியவராகவும் இருக்கும் அதேவேளை தான் என்ன விரும்புகிறேன் என்பதில் அவர் மிகவும் தெளிவாக உள்ளார் என்றும் பராக் குறிப்பிட்டுள்ளார்.
ஈரான் மீது அமெரிக்கா மேற்கொள்ளும் எந்தவொரு இராணுவ நடவடிக்கையும் அந்நாட்டின் ஆட்சி மாற்றத்தை நோக்கமாகக் கொண்டது அல்ல என அவர் தெளிவுபடுத்தியுள்ளார்.
பிராந்தியத்தில் பிணைக்கையாளர்கள் இல்லாத நிலையை உறுதிப்படுத்தவும், அச்சுறுத்தல்களை அகற்றவும், உலகளவில் அமைதியை மீண்டும் கொண்டுவரவுமே ஜனாதிபதி விரும்புவதாகவும் ஆட்சி மாற்றத்தைப் பொறுத்தவரை, அதற்கடுத்த நாள் என்ன நடக்கும் என்பதே எப்போதும் மிகப்பெரிய கேள்வியாக உள்ளது எனவும் பராக் சுட்டிக்காட்டியுள்ளார்.
சொத்துக்களை முடக்கம் நீக்குதல், பொருளாதாரத் தடைகளைத் தளர்த்துதல் மற்றும் இராணுவ மோதல்களை நிறுத்துதல் ஆகியவற்றுடன் அமெரிக்காவின் கூட்டாளியான இஸ்ரேலுக்குத் தேவையான உதவிகளை வழங்குவதே வாஷிங்டனின் தற்போதைய ராஜதந்திர நிலைப்பாடு என தூதர் பராக் மேலும் விளக்கமளித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
குப்பிளான், London, United Kingdom, பிரான்ஸ், France
23 Oct, 2021
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024