அமெரிக்க போர்க்கப்பல் மீது திடீர் தாக்குதல்: செங்கடலில் பதற்றம்!
மத்திய கிழக்குப் பகுதியில் பதற்றமான சூழல் நிலவி வருகின்ற நிலையில் செங்கடல் பகுதியில் சென்றுகொண்டிருந்த அமெரிக்க போர்க்கப்பல் மீது ஆளில்லா விமானம் மூலம் நடத்தப்பட்ட தாக்குதல்கள் தற்போது பரபரப்பை ஏற்படுத்தியுள்ளது.
நேற்றைய தினம் (03) இடம்பெற்ற இந்தத் தாக்குதல் சுமார் ஐந்து மணி நேரம் வரை தொடர்ந்து நடந்ததாகவும் அமெரிக்க பாதுகாப்புத் துறையான பென்டகன் தெரிவித்துள்ளது.
இஸ்ரேல் - ஹமாஸ் இடையே நிலவி வரும் போர் காரணமாக அங்கு அமைதியற்ற சூழல் காணப்பட்ட நிலையில் அமெரிக்கப் போர்க்கப்பல் மீது நடத்தப்பட்ட தாக்குதல் அங்கு பதற்றமான சூழலை உருவாக்கியுள்ளது.
ஐந்து மணி நேரம் நீடித்தது
இது தொடர்பாக பென்டகன் தரப்பு மேலும் தெரிவிக்கையில்,
"அமெரிக்கப் போர்க்கப்பல் மாத்திரமல்லாது செங்கடலில் உள்ள பல வணிகக் கப்பல்கள் மீது தாக்குதல்கள் நடத்தப்பட்டுள்ளன.
அமெரிக்கப் போர்க்கப்பல் மீது குறைந்தது இரண்டு ட்ரோன்கள் மூலம் தாக்குதல் நடத்தப்பட்டிருக்கலாம்.
ஓமானின் சானா என்ற பகுதியில் இருந்து காலை 10 மணியளவில் தொடங்கிய இந்தத் தாக்குதல் அடுத்த ஐந்து மணி நேரம் வரை நீடித்தது.
ஹவுதி கிளர்ச்சியாளர்கள்
ஓமானிலுள்ள ஈரான் ஆதரவு பெற்ற ஹவுதி கிளர்ச்சியாளர்கள் இந்தத் தாக்குதலை நடத்தியிருக்கலாம், ஏனெனில் கடந்த காலங்களிலும் செங்கடல் பகுதியில் இவ்வாறான தாக்குதல்களை இவர்கள் நடத்தியிருப்பது குறிப்பிடத்தக்கது.
அதே போல் காசா பகுதியில் ஹமாஸ் மீது தாக்குதல்களை நடத்தி இஸ்ரேலைக் குறிவைத்தும் ஹவுதி குழு ட்ரோன்கள் மற்றும் ஏவுகணை தாக்குதல்களை நடத்தி வருகின்றது." என பென்டகன் கூறியுள்ளது.
ஆனால், இது தொடர்பாக ஹவுதி தரப்பில் இருந்து எந்தவொரு விளக்கவும் இதுவரை அளிக்காத நிலையில், விரைவில் இது தொடர்பாக முக்கியமான அறிக்கை ஒன்றை வெளியிட உள்ளதாக ஹவுதி செய்தித் தொடர்பாளர் அறிவித்திருந்தமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்..! |
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 3ம் வட்டாரம், கொழும்பு, பரிஸ், France, கனடா, Canada
26 Nov, 2017
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
புங்குடுதீவு 2ம் வட்டாரம், வட்டக்கச்சி இராமநாதபுரம், Woodbridge, Canada
22 Nov, 2025
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
