தொடக்க ஆட்டத்தில் பராகுவேயை எளிதாக வீழ்த்திய அமெரிக்கா
அமெரிக்காவின் கலிபோர்னியாவின் இங்கிள்வுட்டில் உள்ள சோஃபி ழடதானத்தில் நடைபெற்ற உலகக் கோப்பை தொடக்க ஆட்டத்தில் , அமெரிக்க அணி தென் அமெரிக்க அணியான பராகுவேயை 4-1 என்ற கோல் கணக்கில் எளிதாக வீழ்த்தியுள்ளது.
ஆட்டம் தொடங்கியதிலிருந்தே அமெரிக்கா ஆதிக்கம் செலுத்திய நிலையில் அவர்களின் முதல் கோல் 7வது நிமிடத்தில் பெறப்பட்டது.
பராகுவே நடுக்கள வீரர் டாமியன் போபாடில்லாவின் மீது பந்து பட்ட நிலையில் அது அமெரிக்காவுக்கு முதல் கோலை பெற்றுக்கொடுத்தது.
டி பிரிவில் முதலிடம்
மேலும், ஆட்டத்தின் 31-வது நிமிடத்தில், நட்சத்திர முன்கள வீரர் பலோகன் அடுத்த இரண்டு கோல்களையும் அணிக்காக பெற்றுக்கொடுத்தார்.
முதல் பாதியில் 3 - 0 என அமெரிக்கா அணி முன்னியை வகிக்க இரண்டாம் பாதியில் பராகுவே அணி தனது முதல் கோலை நடுக்கள வீரர் மௌரிசியோ மூலம் பெற்றுக்கொண்டது.
விறுவிறுப்பான இந்த ஆட்டத்தில் மேலும் தனது ஆதிக்கத்தை செலுத்திய அமெரிக்கா , இரண்டாம் பாதியின் மேலதிக நேரத்தில், ஜியோ ரெய்னாவின் துள்ளியமான ஆட்டத்தின் மூலம் 4ஆவது கோலை பதிவு செய்தது.
இந்த வெற்றியின் மூலம் அமெரிக்கா மூன்று புள்ளிகளைப் பெற்று, 'டி' பிரிவில் முதலிடத்தைப் பிடித்துள்ளது.
அமெரிக்காவில் நீண்ட காலமாகப் புறக்கணிக்கப்பட்டு, இறுதியாகத் தனக்கான தருணத்தைப் பெற்றுள்ளதாகப் பலரும் கூறும் ஒரு விளையாட்டின் மிகப்பெரிய உலகளாவிய மேடையில் அந்த அணி போட்டியிட்டமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கோண்டாவில் கிழக்கு, புத்தளம், Staten Island, New York, United States
11 Jun, 2026
மாவிட்டபுரம், மல்லாகம், Lewisham, United Kingdom, Harrow, United Kingdom
08 Jun, 2026
