வெடுக்குநாறி மலை விவகாரம்! தமிழ் எம்.பிக்களுக்கு விடுக்கப்பட்ட கோரிக்கை
மகா சிவராத்திரி தினத்தன்று மத உரிமையை மறுதலித்து வெடுக்குநாறி மலை ஆதி சிவன் ஆலயத்தில் காவல்துறையினர் மேற்கொண்ட அராஜகத்திற்கு நீதிகோரல் மற்றும் ஆலயத்தில் கைதான அடியவர்களை விடுவிக்க கோரி நாடாளுமன்றை புறக்கணிக்குமாறு தமிழ் நாடாளுமன்ற உறுப்பினர்களிடம் ஒருங்கிணைந்த தமிழர் கட்டமைப்பு கோரிக்கை விடுத்துள்ளது.
இது தொடர்பாக ஒருங்கிணைந்த தமிழர் கட்டமைப்பின் தலைமை ஒருங்கிணைப்பாளர் தவத்திரு அகத்தியர் அடிகளார் வெளியிட்ட அறிக்கையில் மேலும் தெரிவிக்கப்பட்டுள்ளதாவது,
”மகா சிவராத்திரி தினத்தில் வெடுக்குநாறி மலை ஆதி சிவன் ஆலயத்தில் நடைபெற்ற காவல்துறையினரின் அட்டுழியங்களையும் தொடர் விளைவாக ஆலய பூசகர் தர்மகர்த்தாக்கள் உட்பட எண்வர் விளக்கமறியலில் வைக்கப்பட்டிருப்பதையும் தாங்கள் அறிவீர்கள்
தமிழர்கள் மீது போலி வழக்குகள் பதிவு
இந்த நிலையில், இலங்கையில் வட கிழக்கில் தொடர்ச்சியாக தமிழ் மக்களின் வழிபாட்டிற்கான சைவ ஆலயங்கள் குறிப்பாக புராதன ஆதி சிவன் ஆலயங்களில் வழிபாட்டுரிமை மறுக்கப்பட்டு தமிழர்கள் மீது போலி வழக்குகள் பதிவு செய்யப்படுகின்றது.
அதேநேரம், அவை அரச இயந்திரத்தின் உதவியுடன் குறிப்பாக காவல்துறை தொல்லியல் வனவள திணைக்களங்கள் மூலம் மேற்கொள்ளப்பட்டு உள்ளூர் தமிழ் மக்கள் சொல்லொனாத்துயரை அனுபவிப்பதும் தொடர்கதையாக உள்ளது.
எத்தனையோ கண்டன அறிக்கைகள் கவனயீர்ப்புக்கள் நடைபெற்ற போதும், அவை எல்லாம் செவிடன் காதில் ஊதிய சங்கு போன்று ஆகிவிட்டது
இந்நிலையில், அரசிற்கு பாரிய அழுத்தத்தை பிரயோகிக்கவும் சிங்கள பொதுசனங்களதும் சர்வதேச கவனத்தையும் ஈர்த்து இந்த பிரச்சனைக்கு முடிவு கொண்டு வரும் நிலையில் ஒத்துழையாமை போராட்ட வடிவங்களில் ஒன்றாகிய நாடாளுமன்றை உரிய தீர்வு கிடைக்கும் வரை புறக்கணிக்கும் தீர்மானத்தை எடுத்து உதவுமாறு தமிழ் பொது அமைப்புக்கள் மத நிறுவனங்கள் சிவில் சமூகம் சார்பாக ஒருங்கிணைந்த தமிழர் கட்டமைப்பினராகிய நாம் கோரி நிற்கின்றோம்” என குறிப்பிடப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
ஜனாதிபதிகளின் சிறப்புரிமை முடிவை ஆரம்பித்துவைத்த ரணிலின் கைது 12 மணி நேரம் முன்
ஹரிணி ஜேவிபிக்கு எதிராக கிளர்ச்சி செய்வாரா?
5 நாட்கள் முன்
திருநர்கள் மதிக்கப்பட வேண்டிய முறை இதுவே..!
6 நாட்கள் முன்
நுணாவில், கொச்சிக்கடை, நீர்கொழும்பு, Melbourne, Australia
19 Aug, 2025
ஏழாலை வடக்கு, உடுவில், Bochum, Germany, Scarborough, Canada
18 Aug, 2025
புங்குடுதீவு இறுப்பிட்டி, Montreal, Canada, Scarborough, Canada
22 Aug, 2020
அல்லைப்பிட்டி, கனகராயன்குளம், சென்னை, India, திருச்சி, India
21 Aug, 2020
கரம்பொன் கிழக்கு, கரம்பொன் தெற்கு, கொழும்பு 15
19 Aug, 2021