வாகனங்களை பதிவு செய்யாதோருக்காக புதிய திட்டம் அறிமுகம்!
வாகனங்களை உரிமையாளர்களின் பெயர்களில் பதிவு செய்யாமல் இருப்பவர்களுக்கான புதிய திட்டமொன்று அறிமுகப்படுத்தப்படவுள்ளதாக மோட்டார் போக்குவரத்து திணைக்களம் தெரிவித்துள்ளது.
அதன்படி, வாகன உரிமையாளர்களின் பெயர்களில் பதிவு செய்யாமல் வாகனங்களை கொள்வனவு செய்து பயன்படுத்துபவர்களுக்கு அபராதம் விதிக்கப்படும் என மோட்டார் போக்குவரத்து திணைக்களம் அறிவித்துள்ளது.
வாகனம் வாங்கிய 14 நாட்களுக்குள் அது உரிமையாளரின் பெயரில் பதிவு செய்யப்பட வேண்டும் என திணைக்களத்தின் ஆணையாளர் நாயகம் கூறியுள்ளார்.
அபராதம் விதிக்கப்படும்
அவ்வாறு செய்யத்தவறும் பட்சத்தில், ஒரு நாளைக்கு ரூபா 100 வீதம் அபராதம் விதிக்கப்படும் எனவும் அவர் மேலும் தெரிவித்தார்.
இந்தப் புதிய திட்டத்தின் கீழ், குற்றவாளிகள் எனக் கண்டறியப்பட்டவர்களுக்கான அபராதத் தொகை வாகனத்தின் பதிவு செய்யப்பட்ட உரிமையாளரின் முகவரிக்கு அனுப்பி வைக்கப்பட உள்ளதாகவும் அவர் தெரிவித்தார்.
பதிவு செய்யப்படாத வாகனங்கள்
இதன் மூலமாக பதிவு செய்யப்படாத வாகனங்களை அடையாளம் காண திணைக்களத்திற்கு இத்திட்டம் உதவும் எனவும் அனுருத்த வீரசிங்க மேலும் தெரிவித்தார்.
நேற்றைய தினம் (22) கொழும்பில் நடைமுறைக்கு வந்த போக்குவரத்து விதிகளை மீறுபவர்களை கண்டறியும் காவல்துறையினரின் சிசிடிவி கமரா முயற்சிக்கு அமைவாக இந்த நடவடிக்கைகள் முன்னெடுக்கப்பட்டு வருவதாகவும் அவர் கூறியுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கொக்குவில் மேற்கு, மட்டக்களப்பு, கொழும்பு, நெடுங்கேணி, Harrow, United Kingdom
13 Apr, 2025
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
