சந்திரயான் -3: விக்ரம் லேண்டர் தொடர்பில் நாசா வெளியிட்டுள்ள தகவல்
இந்தியாவின் சந்திரயான்-3 திட்டத்தின் விக்ரம் லேண்டரை, அமெரிக்க விண்கலமொன்று தொடர்புகொண்டுள்ளதாக நாசா தகவல் வெளியிட்டுள்ளது.
இந்திய விண்வெளி ஆய்வு நிறுவனம் (இஸ்ரோ) நிலவின் தென்துருவத்தை ஆய்வு செய்வதற்காக கடந்த ஆண்டு ஆகஸ்ட் 23-ஆம் திகதி சந்திரயான்-3 விண்கலத்தை அனுப்பியது.
வெற்றிகரமாக தரையிறக்கப்பட்டு சந்திரயான்-3 விண்கலத்துடன் இணைக்கப்பட்டிருந்த விக்ரம் லேண்டரும், பிரக்யான் ரோவரும் திட்டமிட்டபடி 14 நாள்கள் ஆய்வுப் பணிகளை மேற்கொண்டன.
சந்திரயான்-3-இன் விக்ரம் லேண்டர்
இதனை தொடர்ந்து, விக்ரம் லேண்டா் மற்றும் ரோவா் ஆகியவை உறக்க நிலைக்கு கொண்டுசெல்லப்பட்டதால் இஸ்ரோவோல் அவற்றை தொடர்புகொள்ள முடியவில்லை.
இந்நிலையில், நிலவை சுற்றிவந்தபடி ஆய்வு மேற்கொண்டு வரும் நாசாவின் ஆா்பிட்டர் (எல்ஆா்ஓ), சந்திரயான்-3-இன் விக்ரம் லேண்டரை தொடா்புகொண்டுள்ளதாக நாசா உறுதிப்படுத்தியுள்ளது.
இது தொடர்பில் நாசா விஞ்ஞானிகள் வெளியிட்ட செய்திக்குறிப்பில், நாசாவின் ஆர்பிட்டா் கடந்த ஆண்டு டிசம்பா் 12-ஆம் திகதி நிலவின் தென் துருவத்தைக் கடக்கும்போது, விக்ரம் லேண்டரில் இடம்பெற்றுள்ள சிறிய அளவிலான லேசா் கருவியுடன் தொடா்பை ஏற்படுத்தியது.
நாசாவின் ஆா்பிட்டர்
அதாவது, நாசாவின் ஆா்பிட்டரிலிருந்து லேசா் கதிா்வீச்சை அனுப்பி, அதன் பிரதிபலிப்பு சிக்னல் திரும்புவதன் அடிப்படையில் கணக்கிடப்படும் நடைமுறையின் அடிப்படையில், விக்ரம் லேண்டருடனான தொடா்பை விஞ்ஞானிகள் உறுதிப்படுத்தியுள்ளனர்.
இந்த லேசா் கதிா்வீச்சை அனுப்பும்போது நாசா ஆா்பிட்டருக்கும், விக்ரம் லேண்டருக்கும் 100 கி.மீ. தொலைவு இருந்ததாகவும் விஞ்ஞானிகள் தெரிவித்தனா். பொதுவாக, விண்வெளியில் புவியைச் சுற்றிவந்து ஆய்வு செய்துவரும் செயற்கைக்கோள்களின் இருப்பிடத்தைக் கணக்கிடுவதற்கு, இந்தத் தொழில்நுட்பத்தை நாசா விஞ்ஞானிகள் பயன்படுத்தி வருகின்றனா்.
அதாவது, நிலையாக உள்ள பூமியின் தரைப் பரப்பிலிருந்து லேசா் கதிா்வீச்சை நகா்ந்து கொண்டிருக்கும் செயற்கைக்கோளின் மீது அனுப்பி, அதன் இருப்பிடம் கணக்கிடப்படும்.
அடுத்தகட்ட தொழில்நுட்பம்
இந்தச் சூழலில், எதிா்மறையாக நகா்ந்துகொண்டிருக்கும் ஆா்பிட்டரிலிருந்து, நிலவின் பரப்பில் நிலையாக இருக்கும் லேண்டா் மீது லேசா் கதிா்வீச்சை அனுப்பி, அதன் இருப்பிடத்தைக் கணக்கிட்டு நாசா விஞ்ஞானிகள் தற்போது சாதனை படைத்துள்ளனா்.
இந்த லேசா் கதிா்வீச்சை அனுப்பும் கருவியானது எந்தவித பராமரிப்பும், மின்சாரமும் இன்றி பல ஆண்டுகளுக்குச் செயல்படும் திறன் கொண்டது.
அடுத்தகட்டமாக, இந்தத் தொழில்நுட்பத்தை மேம்படுத்தி, எதிா்கால தொடா் பயன்பாட்டுக்கு உகந்ததாக உருவாக்கப்படும் என்று நாசா விஞ்ஞானி ஷியோலி சுன் தெரிவித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு மேற்கு, யோகபுரம், Paris, France, Tergnier, France, Chelmsford, United Kingdom
16 Aug, 2026
புங்குடுதீவு 6ம் வட்டாரம், புங்குடுதீவு, கிளிநொச்சி, கொழும்பு, Crawley, United Kingdom
15 Aug, 2026
கரம்பொன் கிழக்கு, கரம்பொன் தெற்கு, கொழும்பு 15
19 Aug, 2021
உசன், முரசுமோட்டை, Urumpirai, பிரித்தானியா, United Kingdom
15 Aug, 2026