சிங்கள மக்களின் கோரிக்கைகளுக்கே அரசாங்கம் செவி சாய்க்கும் - 13வது அரசியலமைப்பு தொடர்பில் விக்னேஸ்வரன் பகிரங்கம்

தேரர்களா நாட்டை ஆள்கிறார்கள், 13வது திருத்தம் குறித்து ஒவ்வொருவரும் ஒவ்வொரு விதமாகச் சொல்வார்கள் என நாடாளுமன்ற உறுப்பினர் சி.வி. விக்னேஸ்வரன் தெரிவித்துள்ளார்.

13வது திருத்தத்தை கொண்டு வருவது நல்லதுதான், ஆனால் அது தமது பிரச்சினைகளுக்கு தீர்வாகாது என ஊடகங்களிடம் அவர் தெரிவித்திருந்தார்.

மேலும், ஐக்கிய நாட்டில் பெரும்பான்மையான சிங்கள மக்களின் கருத்துக்களையே அரசாங்கம் எப்போதும் நடைமுறைப்படுத்தும் என தெரிவித்துள்ளார்.

13வது திருத்தம்

இதன் போது ஊடகங்கள் எழுப்பிய கேள்விக்கு பதில் அளித்த அவர்,

கேள்வி - ''மக்களின் கோரிக்கைககளை ஏன் நிறைவேற்ற முடியவில்லை?

பதில் - முதலமைச்சராக இருந்த நான் அத்தனை பேரையும் பார்த்திருக்கிறேன். எப்படியோ மக்களுக்கு வேலை செய்ய முடியாத நிலையை இந்த அரசு தற்போது கொண்டு வந்து விட்டது.

அதனால் தான் கூட்டாட்சி முறை பற்றி கேட்கிறோம். ஆனால் அது தற்போதைய நிலைமையை 13வது திருத்தத்துடன் முழுமையாக நடைமுறைப்படுத்துவதே சிறந்தது.

அதிபரின் அனைத்து விடயங்களையும் நான் நன்றாக அவதானித்தேன் மக்களுக்காக செயற்படுவேன் என்று உறுதியளித்துள்ளார். பார்ப்போம்,

அவர் கொடுத்த வாக்குறுதிகளில் பாதியை மட்டுமே நிறைவேற்றியிருப்பதாக கூறுகிறார். எவ்வளவு தூரம் நிறைவேற்றுவார் என்பதை பொறுத்திருந்து பார்ப்போம்.

நான் ஏற்றுக்கொள்கிறேன். அவருடைய கதை நன்றாக உள்ளது.

கேள்வி - 13 ஆவது திருத்தத்தை கொண்டு வருவதாக அரசு வாக்குறுதியளித்துள்ளதா?

பதில் - வாக்குறுதிகள் கொடுத்தது உண்மைதான். அந்த வாக்குறுதிகளை நிறைவேற்றப் போகிறார்கள் என்பதும் உண்மைதான்.

ஆனால் நடுவில் என்ன நடக்கும் என்று தெரியவில்லை. இன்று வரை அப்படித்தான் நடந்திருக்கின்றது. அரசாங்கம் எதையும் செய்ய முற்படும் போது அது எதிர்கட்சியின் எதிர்ப்பால் செய்யமுடியாமல் போய்விடுகிறது.

ரணில் விக்ரமசிங்க 2001 ஆம் ஆண்டு சந்திரிகாவை கொண்டு வந்த அரசியலமைப்பு திருத்தத்தை எதிர்த்து நாடாளுமன்றத்திற்குள் அதை கிழித்து எரித்தார்.

இதுபோல இன்றுவரை ஒவ்வொருவரும் எதிர்க்கிறார்கள். கடைசியில் எமக்கு ஒன்றும் கிடைக்காது. ஆனால் தற்போது தருவதாக கூறியுள்ளனர்.

கேள்வி - நாட்டில் உள்ள எதிர்ப்பை எவ்வாறு எதிர்கொள்கிறீர்கள்?

பதில் - யாருடைய எதிர்ப்பு?

கேள்வி - தேரர்களின் எதிர்ப்பு?

பதில் - இவர்களெல்லாம் நாட்டை ஆள்பவர்களா? இல்லையே, ஒவ்வொருவரும் ஒவ்வொரு விதமாகச் சொல்லலாம்.​

கேள்வி - 13 ஐ கொண்டு வராமல் விடமாட்டீர்களா?

பதில் - நாங்கள் கூட்டாட்சி முறையை கண்டிப்பாக கொண்டு வருவோம்.'' என தெரிவித்திருந்தார்.