லொட்டரியில் அடித்த அதிஷ்டம் - டிக்கட்டை தொலைத்த பெண்ணால் ஏற்பட்ட இறுதிநேர பரபரப்பு
அமெரிக்காவில் மேரிலாண்ட் மாகாணத்தை சேர்ந்த ஸ்ரீஜனா வாஸ்ட்டி என்ற பெண் அண்மையில் லொட்டரி சீட்டு வாங்கிய நிலையில் அவருக்கு அதிஷ்டம் கைகொடுக்க அந்த சீட்டை வைத்த இடத்தை மறந்து போன சுவாரஸ்ய சம்பவம் இடம்பெற்றுள்ளது.
இது தொடர்பில் மேலும் தெரியவருவதாவது,
ஸ்ரீஜனா வாங்கிய லொட்டரிக்கு சுமார் 50,000 டொலர்கள், ( இந்திய மதிப்பில் சுமார் 41 இலட்சம் ரூபாய்) பரிசு கிடைத்துள்ளதாக தகவல்கள் தெரிவிக்கின்றன.
50,000 டொலர்கள் பரிசு
முதலில் 50 டொலர்கள் மட்டுமே பரிசாக அவர் வென்றதாக கருதிய நிலையில், பின்னர் தான் 50,000 டொலர்கள் என்பது ஸ்ரீஜனாவுக்கு தெரிய வந்துள்ளது.
ஆனால் தான் வாங்கிய லொட்டரி டிக்கெட் வைத்திருந்த இடத்தை மறந்து போயுள்ளார் ஸ்ரீஜனா. இதனைத் தொடர்ந்து அதனை தேடி வந்த ஸ்ரீஜனா, பெரிய பரிசு தொகை கிடைத்த லொட்டரியை தொலைத்ததை எண்ணி அதிர்ச்சியும் அடைந்துள்ளார்.
வீடு முழுக்க தேடுதல்
குடும்பத்தினர் உதவியுடன் வீடு முழுக்க தேடிய ஸ்ரீஜனா, கடைசியில் அதனை அவரது சூட்கேஸ் ஒன்றில் இருந்து கண்டுபிடித்துள்ளார்.
இதனால் நிம்மதி அடைந்த ஸ்ரீஜனா, தனக்கு கிடைக்கப் போகும் பணத்தை கொண்டு செய்யப் போகும் விஷயங்களையும் திட்டம் போட்டு வைத்துள்ளதாக தகவல்கள் தெரிவிக்கின்றன.