யோஷிதவுக்கு எதிரான வழக்கு விசாரணை ஒத்திவைப்பு
பணச்சலவை தடுப்புச் சட்டத்தின் கீழ் யோஷித ராஜபக்ச மீது தாக்கல் செய்யப்பட்ட வழக்கின் மேலதிக சாட்சி விசாரணை இம்மாதம் 26ஆம் திகதிக்கு ஒத்திவைக்கப்பட்டுள்ளது.
கொழும்பு மேல் நீதிமன்ற நீதிபதி உதேஷ் ரணதுங்கவின் முன்னிலையில் இன்று (12) இவ் வழக்கு விசாரணைக்கு அழைக்கப்பட்டபோது இந்த உத்தரவு பிறப்பிக்கப்பட்டுள்ளது.
இவ் வழக்கின் சாட்சி விசாரணை இன்று பிற்பக் 1.30 மணியளவில் நடத்த திட்டமிடப்பட்டிருந்தது. ஆனால், யோஷித சார்பில் முன்னிலையான ஜனாதிபதி சட்டத்தரணி தனது கட்சிக்காரர் முதுகு தொடர்பான உடல்நலக் குறைபாடு காரணமாக முன்னிலையாக முடியவில்லை என நீதிமன்றில் தெரிவித்துள்ளார்.
மருத்துவ அறிக்கை
ஜனாதிபதி சட்டத்தரணி இது தொடர்பாக ஒரு மருத்துவ அறிக்கையையும் நீதிமன்றத்தில் சமர்ப்பித்தார்.
அந்நேரத்தில், அரசுத் தரப்பு சார்பில் முன்னிலையான பிரதி சொலிசிட்டர் ஜெனரல் ஜனக பண்டார, அரசுத் தரப்பு தனது சாட்சிய விசாரணையை இன்று முடிக்க உத்தேசித்துள்ளதாகத் தெரிவித்தார்.
அரசுத் தரப்பு சார்பில் இன்னும் மூன்று சாட்சிகள் மட்டுமே அழைக்கப்பட வேண்டியுள்ளதாகவும், அடுத்த விசாரணையின்போது அந்த மூன்று சாட்சிகளையும் முன்னிலைப்படுத்த உத்தேசித்துள்ளதாகவும் அவர் நீதிமன்றத்தில் தெரிவித்தார்.
சமர்ப்பிப்புகளைப் பரிசீலித்த மேல் நீதிமன்ற நீதிபதி, இவ்மாதம் 26ஆம் திகதி விசாரணையை மீண்டும் தொடங்குமாறு உத்தரவிட்டதோடு, சாட்சிகள் அந்நாளில் நீதிமன்றத்தில் முன்னிலையாக வேண்டும் என்றும் அறிவுறுத்தினார்.
சட்டமா அதிபரால் வழக்கு தாக்கல்
தெஹிவளை மற்றும் ரத்மலானை பகுதிகளில் 730 இலட்சம் ரூபாய்க்கும் (73 மில்லியன் ரூபாய்) அதிகமான தொகைக்கு ஐந்து காணித் துண்டுகளை வாங்கியதன் மூலம் பணச்சலவை தடுப்புச் சட்டத்தின் கீழ் யோஷித ராஜபக்ச மீது சட்டமா அதிபர் இந்த வழக்கைத் தாக்கல் செய்துள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு, கொழும்பு, Sanaa, Yemen, சென்னை, India, Toronto, Canada, Sacramento, United States
07 Nov, 2026
மலேசியா, Malaysia, தெல்லிப்பழை, Wembley, United Kingdom
09 Oct, 2026
அல்லைப்பிட்டி, பிரான்ஸ், France
12 Nov, 2011
