பயங்கர ஆயுதங்களுடன் பத்து சந்தேகநபர்கள் அதிரடி கைது

CID - Sri Lanka Police Colombo Sri Lankan Peoples Sri Lanka Police Investigation

By Dhilak Jun 09, 2026 05:43 PM GMT

Dhilak

in பாதுகாப்பு

Report

கல்கிசை பிரிவுக்குட்பட்ட பகுதிகளில் பாதாள உலக கும்பல்களை சேர்ந்தவர்கள் உட்பட 10 சந்தேக நபர்கள் கைக்குண்டு, ஐஸ் போதைப்பொருள் மற்றும் வாள்களுடன் கைது செய்யப்பட்டுள்ளனர்.

குறித்த செவ்வாய்க்கிழமை (09) அதிகாலை நடத்தப்பட்ட விசேட அதிரடி சோதனையின் போது சந்தேகநபர்கள் கைது செய்யப்பட்டுள்ளனர்.

கல்கிசை குற்றப் புலனாய்வுப் பணியக அதிகாரிகளால் கல்கிசை, தெஹிவளை மற்றும் அங்குலானை ஆகிய பகுதிகளில் ஒருங்கிணைந்த முறையில் இந்த சோதனைகள் முன்னெடுக்கப்பட்டுள்ளன.

அதிர்ச்சிகர பின்னணி

கைது செய்யப்பட்டவர்களில் எட்டு பேர், தற்போது வெளிநாட்டில் வசிப்பதாக நம்பப்படும் பிரபல திட்டமிடப்பட்ட குற்றச் செயல்களுடன் தொடர்புடைய மற்றும் போதைப்பொருள் கடத்தல் காரர் ஒருவரின் நெருங்கிய சகாக்கள் என அடையாளம் காணப்பட்டுள்ளனர்.

பயங்கர ஆயுதங்களுடன் பத்து சந்தேகநபர்கள் அதிரடி கைது | 10 Suspects Members Of Underworld Gangs Arrested

இந்தச் சோதனையின் போது ஒரு கைக்குண்டு, 35 கிராம் "ஐஸ்" எனப்படும் கிரிஸ்டல் மெத்தம்பேட்டமைன் போதைப்பொருள் மற்றும் ஐந்து வாள்கள் ஆகியவற்றை அதிகாரிகள் மீட்டுள்ளனர்.

கைது செய்யப்பட்ட சந்தேக நபர்கள் 20 முதல் 56 வயதுக்கு இடைப்பட்டவர்கள் என்றும், அவர்கள் அங்குலானை, மொரட்டுவ மற்றும் இரத்மலானை ஆகிய பகுதிகளைச் சேர்ந்தவர்கள் என்றும் தெரியவந்துள்ளது.

தெஹிவளை பகுதியில் கூர்மையான ஆயுதங்களால் நடத்தப்பட்ட மற்றும் கடுமையான காயங்களை ஏற்படுத்திய தாக்குதல் உட்பட பல குற்றச் செயல்களுடன் இவர்களில் சிலருக்கு தொடர்பு இருப்பது முதற்கட்ட விசாரணைகளில் வெளிச்சத்திற்கு வந்துள்ளது.

இது தொடர்பான மேலதிக விசாரணைகளை கல்கிசை பிரிவு குற்றப் புலனாய்வுப் பணியகத்தினர் தொடர்ந்து மேற்கொண்டு வருகின்றனர்.