இலங்கைக்கு இறக்குமதி செய்யப்பட்ட வாகனங்கள் குறித்து வெளியான தகவல்
இந்த ஆண்டின் ஏப்ரல் மாத இறுதி வரையான காலப்பகுதியில் இலங்கை்கு இறக்குமதி செய்யப்பட்ட வாகனங்கள் குறித்து நிதி மற்றும் திட்டமிடல் பிரதி அமைச்சர் அனில் ஜயந்த பெர்னாண்டோ கருத்து வெளியிட்டுள்ளார்.
அதன்படி, குறித்த காலப்பகுதியில் இலங்கைக்கு மொத்தம் 178,000 வாகனங்கள் இறக்குமதி செய்யப்பட்டுள்ளதாக அவர் மேலும் சுட்டிக்காட்டினார்.
நாடாளுமன்றத்தில் இன்று (19) நடைபெற்ற அமர்வின் போது, எதிர்க்கட்சித் தலைவர் சஜித் பிரேமதாசவினால் வாகன இறக்குமதி தொடர்பாக எழுப்பப்பட்ட கேள்விக்கு பதிலளிக்கும் போதே அவர் இந்த விடயங்களை வெளியிட்டுள்ளார்.
உந்துருளிகள் மற்றும் முச்சக்கரவண்டிகள்
இந்த இறக்குமதித் தொகையினுள் உந்துருளிகள் மற்றும் முச்சக்கரவண்டிகள் உள்ளடக்கப்பட்டுள்ளதாகவும் பிரதி அமைச்சர் மேலும் குறிப்பிட்டுள்ளார்.

அத்துடன் வெளிவாரிச் சூழல்களைக் கருத்திற் கொண்டு, வாகன இறக்குமதியைக் கட்டுப்படுத்தும் நோக்கில் சுங்கத் தீர்வை மீதான 50 சதவீத மேலதிக கட்டணம் மூன்று மாத காலத்திற்கு விதிக்கப்பட்டிருந்ததாக அவர் மேலும் சுட்டிக்காட்டியுள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |