புதிய தொழில்நுட்பத்தினை அறிமுகப்படுத்தியுள்ள 1990 சுவ சரிய நோயாளர் காவு வண்டி சேவை!

Dr Ramesh Pathirana Ministry of Health Sri Lanka Harsha de Silva

By Kathirpriya Dec 13, 2023 01:35 PM GMT

Kathirpriya

in தொழில்நுட்பம்

Report

செயற்கை நுண்ணறிவுத் தொழில்நுட்பத்தைப் பயன்படுத்தி அம்புலன்ஸ் மற்றும் மருத்துவரை ஒருங்கிணைக்கும் நாட்டின் முதல் ஆம்புலன்ஸ் சேவையாக இலங்கையின் இலவச நோயாளர் காவு வண்டி சேவையான 1990 சுவ சரிய மாறியுள்ளது.

தொலைபேசியின் மூலமாக ஒருங்கிணைப்பு செய்யப்பட்டுள்ள இந்த ‘இணைக்கப்பட்ட ஆம்புலன்ஸ்’ முறைமையானது, உயிர்களைக் காப்பாற்றும் சுவ சரியாவின் பணியை அடுத்த கட்டத்திற்கு உயர்த்தும் என எதிர்பார்க்கப்படுகிறது.

ஆம்புலன்ஸ் சேவையின் முன்னோடியாக விளங்கவுள்ள இந்த தொழில்நுட்ப சாதனையை ஆரம்பித்து வைக்கும் நிகழ்வு அண்மையில் இடம்பெற்றது, இதில் கலந்து கொண்டு உரையாற்றிய நாடாளுமன்ற உறுப்பினரான ஹர்ஷ டி சில்வா, இந்த அபிவிருத்தியை சாதகமாக்கிய Wavenet மற்றும் Microsoft ஆகிய நிறுவனங்களுக்கு தனது நன்றியைத் தெரிவித்தார்.

வாழ்க்கைச் செலவுக் கொடுப்பனவு

சுவ சரியவின் இந்த தொழில்நுட்ப ஒருங்கிணைப்பு முதலில் கொழும்பு மற்றும் யாழ்ப்பாண மாவட்டங்களில் முதலில் ஆரம்பிக்கப்படும் என்றும் அதன் பின்னர் நாடளாவிய ரீதியில் விரிவுபடுத்தப்படும் என்றும் அவர் மேலும் தெரிவித்தார்.

புதிய தொழில்நுட்பத்தினை அறிமுகப்படுத்தியுள்ள 1990 சுவ சரிய நோயாளர் காவு வண்டி சேவை! | 1990 Suwa Sariya Ambulance Introduce Ai Technology

மேலும் இந்நிகழ்வில் கலந்து கொண்டு உரையாற்றிய சுகாதார அமைச்சர் ரமேஷ் பத்திரன சுவ சரிய ஊழியர்களுக்கு வாழ்க்கைச் செலவுக் கொடுப்பனவாக 10,000 ரூபாவை வழங்கவுள்ளதாக உறுதியளித்திருந்தமை குறிப்பிடத்தக்கது.