தேர்தல் சட்டவிதிமுறைகளை மீறி ஒட்டப்பட்ட இலட்சக்கணக்கான சுவரொட்டிகள் நீக்கம்
ஜனாதிபதித் தேர்தல் சட்டவிதிமுறைகளை மீறி ஒட்டப்பட்ட 04 இலட்சத்து 36 ஆயிரத்து 270 வரையான சுவரொட்டிகள் நீக்கப்பட்டுள்ளதாக காவல்துறை ஊடகப்பிரிவு தெரிவித்துள்ளது.
கொழும்பில் (Colombo) நேற்று (11) இடம்பெற்ற செய்தியாளர் சந்திப்பில் காவல்துறை ஊடகப் பேச்சாளர் பிரதி காவல்துறை மா அதிபர் நிஹால் தல்துவ (Nihal Thalduwa) இதனைக் குறிப்பிட்டார்.
இங்கு தொடர்ந்தும் கருத்து தெரிவித்த அவர், “ஜனாதிபதித் தேர்தலில் போட்டியிடும் வேட்பாளர்களினால் நாடு முழுவதும் பிரசார நடவடிக்கைகள் முன்னெடுக்கப்பட்டன.
நீக்கப்பட்ட சுவரொட்டிகள்
1981ஆம் ஆண்டு 15ஆம் இலக்க ஜனாதிபதியைத் தெரிவு செய்வதற்காக சட்டத்திலுள்ள ஏற்பாடுகளுக்கமையவும் தேர்தல் ஆணைக்குழுவினால் வெளியிடப்பட்டுள்ள விதிமுறைகளுக்கமையவும் செயலாற்ற வேண்டும்.
இருந்தபோதும் ஒரு சில இடங்களில் சட்டங்கள் மீறப்படுவதை நாங்கள் கண்காணித்துள்ளோம். இதுதொடர்பான காவல்துறை கண்காணிப்புகள் தொடர்ந்தும் இடம்பெற்றுக்கொண்டிருக்கின்றன.
நேற்று முன்தினம் (10) 24ஆயிரத்து 114 சுவரொட்டிகள் காவல்துறையினரால் நீக்கப்பட்டுள்ளதுடன், 07ஆயிரத்து 890 வரையிலான சுவரொட்டிகள் கைப்பற்றப்பட்டுள்ளன.
29 பதாகைகள் நீக்கப்பட்டுள்ளதுடன், 14 பதாகைகள் கைப்பற்றப்பட்டுள்ளன. 119 விளம்பர பதாகைகள் நீக்கப்பட்டுள்ளதுடன், மேலதிகமாக 110 விளம்பர பதாகைகள் கைப்பற்றப்பட்டுள்ளன. அதேபோல், 181 அறிவித்தல்கள் நீக்கப்பட்டுள்ளதுடன், 48 அறிவித்தல்கள் கைப்பற்றப்பட்டுள்ளன.
அதற்கமைய, கடந்த மாதம் 17ஆம் திகதியிலிருந்து நேற்று முன்தினம் வரை நாடு முழுவதும் மொத்தமாக 04 இலட்சத்து 36 ஆயிரத்து 270 வரையான சுவரொட்டிகள் நீக்கப்பட்டுள்ளன. ஒரு இலட்சத்து 54 ஆயிரத்து 904 சுவரொட்டிகள் கைப்பற்றப்பட்டுள்ளன.
முறைப்பாடு பதிவு
அதேபோன்று, ஆயிரத்து 218 பதாகைகள் நீக்கப்பட்டுள்ளதுடன், 870 பதாகைகள் கைப்பற்றப்பட்டுள்ளன. ஆயிரத்து 220 விளம்பர பதாகைகள் நீக்கப்பட்டுள்ளதுடன், ஆயிரத்து 250 விளம்பர பதாகைகள் கைப்பற்றப்பட்டுள்ளன. 05ஆயிரத்து 605 வரையிலான அறிவித்தல்கள் நீக்கப்பட்டுள்ளதுடன், 09ஆயிரத்து 610 அறிவித்தல்கள் கைப்பற்றப்பட்டுள்ளன.
இந்தச் செயற்பாடுகளுக்காக 1,500 வரையிலான ஊழியர்கள் காவல்துறை திணைக்களத்துக்கு இணைத்துக்கொள்ளப்பட்டுள்ளனர். காவல்துறையினருடன் இணைந்து அவர்களே இந்தச் செயற்பாடுகளை முன்னெடுத்து வருகிறார்கள்.
இதற்கு மேலதிகமாக சட்டவிதிமுறை மீறல்கள் தொடர்பில் மொத்தமாக 304 முறைப்பாடுகள் பதிவுசெய்யப்பட்டுள்ளன. அவற்றில் குற்றச்செயல்கள் தொடர்பில் 84 முறைப்பாடுகள் பதிவுசெய்யப்பட்டுள்ளன. ஏனையவை தேர்தல் சட்டவிதிமுறை மீறல்களுடன் தொடர்புடைய முறைப்பாடுகளாகும்.
அச்சுறுத்தல் ஏற்படுத்தியமை தொடர்பிலும் குற்றப்புலனாய்வுத் திணைக்களத்தில் முறைப்பாடு பதிவுசெய்யப்பட்டுள்ளது. இந்த முறைப்பாடு தொடர்பில் கணினி குற்றத்தடுப்புப் பிரிவுக்கு ஒப்படைக்கவும் நடவடிக்கை எடுக்கப்பட்டுள்ளது.
இதேவேளை, ஜனாதிபதி வேட்பாளர்களில் குறிப்பிட்ட ஒருவருக்கு மாத்திரம் உயிரச்சுறுத்தல் இருப்பதாக எந்தத் தகவலும் எங்களுக்கு கிடைக்கவில்லை.
ஜனாதிபதி வேட்பாளர்களின் பாதுகாப்பு தொடர்பில் நியமிக்கப்பட்டுள்ள விசேட குழுவினூடாக அவர்களின் பாதுகாப்பு கண்காணிக்கப்பட்டு வருகிறது. அவ்வாறான அச்சுறுத்தல் தொடர்பில் புலனாய்வுத் தகவல் கிடைத்தால் அதுதொடர்பில் நாங்கள் விரைந்து செயலாற்றுவோம்’’ என தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 5ம் வட்டாரம், மானிப்பாய், வண்ணார்பண்ணை, Vaughan, Canada
05 Jun, 2025
வதிரி, அம்பாந்தோட்டை, Oslo, Norway, London, United Kingdom, Sutton, United Kingdom
31 May, 2025
கரணவாய் மேற்கு, Urtenen-Schönbühl, Switzerland, பேர்ண், Switzerland
08 May, 2025
கோண்டாவில் கிழக்கு, கொழும்பு, New Jersey, United States, Winnipeg, Canada
28 Mar, 2025
நெடுந்தீவு, முரசுமோட்டை, Vancouver, Canada, Mississauga, Canada
19 May, 2024
Kuala Lumpur, Malaysia, மட்டுவில், கிளிநொச்சி, Scarborough, Canada
19 Jun, 2024
புங்குடுதீவு 11ம் வட்டாரம், London, United Kingdom, அரியாலை
19 May, 2024
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
யாழ் நெடுந்தீவு கிழக்கு, Jaffna, நெடுந்தீவு, வவுனியா, Montreuil, France
31 May, 2025
