வெளிநாட்டுக்கு வேலைக்கு செல்வோருக்கு ஏற்பட்ட சிக்கல்: நாளுக்கு நாள் அதிகரிக்கும் வரிசை

Sri Lanka Ministry of Health Sri Lanka Sri Lankan Peoples Africa

By Dilakshan Sep 09, 2023 06:47 AM GMT

Dilakshan

in சமூகம்

Report

ஆபிரிக்க நாடுகளுக்கு வேலைக்குச் செல்ல எதிர்பார்த்துள்ள சுமார் 5000 பேர் மஞ்சள் காமாலைக்கான தடுப்பூசி இன்றி பெரும் சிக்கலை எதிர்கொண்டுள்ளதாகத் தெரிவிக்கப்படுகிறது.

இதனால் மஞ்சள் காமாலை தடுப்பூசிகான வரிசை நாளுக்கு நாள் அதிகரித்து செல்வதாக சுகாதாரத்துறை வட்டாரங்கள் குறிப்பிட்டுள்ளன.

ஆபிரிக்க நாடுகளுக்குச் செல்பவர்கள் உடல்நலக் காரணங்களுக்காக இந்தத் தடுப்பூசியைப் பெற வேண்டும்.

சுகாதார அமைச்சு

இது தொடர்பில் சுகாதார அமைச்சின் மேலதிக செயலாளர் சமன் ரத்நாயக்க தெரிவிக்கையில், “ 7500 தடுப்பூசிகளுக்கு உத்தரவிடப்பட்டுள்ள போதிலும் விநியோகஸ்தர்கள் இதுவரை முன்வரவில்லை ஆசிய அபிவிருத்தி வங்கியின் உதவியுடன் சுமார் மூவாயிரம் தடுப்பூசிகள் விரைவில் வரவுள்ளது ” என்றார்.

வெளிநாட்டுக்கு வேலைக்கு செல்வோருக்கு ஏற்பட்ட சிக்கல்: நாளுக்கு நாள் அதிகரிக்கும் வரிசை | 5000 People In Line Without Vaccination Jaundice

அதேவேளை, டொலரை எடுத்து வர காத்திருக்கும் மக்கள் மஞ்சள் காமாலை தடுப்பூசி இல்லாமல் காத்திருப்பதாகவும், தடுப்பூசியை கொண்டு வரும் திட்டம் சுகாதார அமைச்சிடம் இல்லை என்றும் குருநாகல் மாவட்ட கவுன்சிலர் தயாசிறி ஜயசேகர குற்றம் சாட்டினார்.

மேலும், அவர் சுகாதார அமைச்சு குறைபாடுள்ள மருந்துகளை பதுக்கி வைத்திருப்பதாகவும் குறிப்பிட்டுள்ளார்.